ଖୋର୍ଦ୍ଧା: ଫନି ପ୍ରକୋପରେ ଠିଆ ହୋଇଛି ସମସ୍ୟାର ବଡ ପାହାଡ । ବଡ ଟେନସନ, ଗଛ ଭାଙ୍ଗିବା ଓ ବିଦ୍ୟୁତ କାଟ । ଖୁଣ୍ଟ , ତାର ସବୁ ଉପୁଡି ପଡିଥିବା ଯୋଗୁଁ ଅନ୍ଧାରରେ ରହିଛନ୍ତି ଫନି ପ୍ରଭାବିତ ଖୋର୍ଦ୍ଧାବାସୀ ।
ଭିଡିଓ ସୌଜନ୍ୟ- ପ୍ରତିନିଧି, ଇଟିଭି ଭାରତ
ରାସ୍ତାରେ ଗଡୁନି ଗାଡି, ଘରେ ଜଳୁନି ଲାଇଟ । ଫନି ଗର୍ଜନରେ ବଡ ବଡ ଗଛ ସବୁ ରାସ୍ତାରେ ଶୋଇଯାଇଛନ୍ତି । ଯେଉଁଥିପାଇଁ ରାସ୍ତା ଘାଟ ପୂରା ଜାମ । କଷ୍ଟେମଟେ 2 ଚକିଆ ଗଡୁଛି । ଏପେଟ ପୁଣି ବିଦ୍ୟୁତ ଖୁଣ୍ଟ ଉପୁଡିପଡିଥିବା ଯୋଗୁଁ ବିଦ୍ୟୁତ ବ୍ୟବସ୍ଥା ବନ୍ଦ । ସନ୍ଧ୍ୟା ସୁଦ୍ଧା ଗଛ ଗୁଡିକୁ କାଟି ସଫା କରାଯିବ ବୋଲି ଜିଲ୍ଲାପାଳ ନିର୍ମଳ ଚନ୍ଦ୍ର ମିଶ୍ର କହିଛନ୍ତି ।
ଏଥିସହ ବହୁ ସାଧାରଣ ସମ୍ପତ୍ତି ମଧ୍ୟ ବହୁ ନଷ୍ଟ ହୋଇଛି । ତେବେ ପାଣି ସମସ୍ୟା ମଧ୍ୟ ଦେଖାଦେଇଛି । ପିଇବା ପାଇଁ ଟ୍ୟାଙ୍କରରେ ପାଣି ଯୋଗାଇ ଦିଆଯିବ । ହେଲେ ବିଦ୍ୟୁତ ବ୍ୟବସ୍ଥା ବିଳମ୍ବ ହେବା ନେଇ ଜିଲ୍ଲାପାଳ ସୂଚନା ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
