ଖୋର୍ଦ୍ଧା: 7 ମୃତ ବିଦେଶୀ ପକ୍ଷୀକୁ ଜବତ କରିଛି ଟାଙ୍ଗି ବନ୍ୟ ପ୍ରାଣୀ କର୍ମଚାରୀ । ଏହି ଘଟଣାରେ ଜଣେ ଅଭିଯୁକ୍ତକୁ ମଧ୍ୟ ଗିରଫ କରିଛି । ଗିରଫ ଅଭିଯୁକ୍ତ ପୁରୀ ଜିଲ୍ଲା ଦୋଛିଆଁ ଗ୍ରାମର ବିଜୟ କୁମାର ବୋଲି ଜଣାପଡିଛି । ଗିରଫ ଶିକାରୀ ପକ୍ଷୀ ମାରି ନେଉଥିବା ବେଳେ ବନବିଭାଗ କର୍ମଚାରୀଙ୍କ ହାବୁଡରେ ପଡିଥିଲା । ତା ବ୍ୟାଗ ତଲାସି ନେବାରୁ 7 ମୃତ ବିଦେଶୀ ପକ୍ଷୀ ଜବତ କରିଥିଲା ବନବିଭାଗ ।
ଶୀତ ଆରମ୍ଭ ନହେଉଣୁ ଚିଲିକାରେ ସକ୍ରିୟ ହେଲେଣି ପକ୍ଷୀ ଶିକାରୀ । ପକ୍ଷୀ ଶିକାରକୁ ରୋକିବା ପାଇଁ ସତ ଚେଷ୍ଟା କଲେ ମଧ୍ୟ ବିଫଳ ହୋଇଛି ବନ୍ୟ ପ୍ରାଣୀ ବିଭାଗ । ବନ୍ୟପ୍ରାଣୀ ବିଭାଗର କଡା ପହରାକୁ ଖାତିର ନକରି ଶିକାରୀ ମାନେ ପୁଣି କରୁଛନ୍ତି ପକ୍ଷୀ ଶିକାର। କଇଁ ନାଡରେ ଫୁରାଡନ ଦେଇ ଶିକାର କରୁଛନ୍ତି ବିଦେଶାଗତ ପକ୍ଷୀଙ୍କୁ ।
ଇଟିଭି ଭାରତ, ଖୋର୍ଦ୍ଧା
