ଖୋର୍ଦ୍ଧା: ‘ଫନି’ ବାତ୍ୟାକୁ ବିତିଗଲାଣି ଅନେକ ଦିନ । ହେଲେ ଆଜି ବି ବାତ୍ୟା ପ୍ରଭାବିତଙ୍କୁ ମିଳିପାରିଲା ନାହିଁ ଖଣ୍ଡେ ପକ୍କାଘର । ଆଉ ଯେଉଁମାନେ ସରକାରୀ ତଥ୍ୟରେ ଘର ପାଇବାକୁ ଯୋଗ୍ୟ ବିବେଚିତ ହୋଇଥିଲେ ପରବର୍ତ୍ତୀ ସମୟରେ ସେମାନଙ୍କୁ ବାଦ ଦିଆଯାଇଥିବା ଅଭିଯୋଗ ହୋଇଛି। ଏହାର ପ୍ରତିବାଦ କରି ସ୍ଥାନୀୟ ବିଧାୟକଙ୍କ ନେତୃତ୍ବରେ ଜିଲ୍ଲା ପ୍ରକଳ୍ପ ନିର୍ଦ୍ଦେଶକଙ୍କ କାର୍ଯ୍ୟାଳୟରେ ଧାରଣା ଦେଇଥିଲେ ଖୋର୍ଦ୍ଧାର ବେଗୁନିଆ-ବୋଲଗଡ ଅଞ୍ଚଳର ଶତାଧିକ ହିତାଧିକାରୀ।
ପୁଣି ଦେଖାଦେଇଛି ଫୋନି ତାତି
ଏଥିସହ ‘ଫନି’ ସହାୟତାର ପ୍ରକୃତ ହିତାଧିକାରୀଙ୍କ ଘରକୁ ବିନା ତଦନ୍ତ ବାଦ ଦିଆଯାଇଥିବା ମଧ୍ୟ ଅଭିଯୋଗ ହୋଇଛି। ଏ ଘଟଣାରେ ଖୋର୍ଦ୍ଧା ପ୍ରକଳ୍ପ ନିର୍ଦ୍ଦେଶକ ଦିଗନ୍ତ ରାଉତରାୟ ଆଗାମୀ ଦିନରେ ଘଟଣାର ସଠିକ ତଦନ୍ତ କରି ଯୋଗ୍ୟ ହିତାଧିକାରୀଙ୍କୁ ଆସିଥିବା ଆବାସ ଯୋଜନାରେ ଘର ଯୋଗଇ ଦେବାକୁ ପ୍ରତିଶ୍ରୃତି ଦେବା ପରେ ଧାରଣା ପ୍ରତ୍ୟାହୃତ ହୋଇଥିଲା।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
