ଖୋର୍ଦ୍ଧା: ପୂର୍ତ୍ତ ବିଭାଗର ମନମୁଖୀ କାର୍ଯ୍ୟ ଅଭିଯୋଗ । ମନମୁଖୀ କାର୍ଯ୍ୟ ପାଇଁ ଏକାଧିକ ଯାତ୍ରୀ ଦୁର୍ଘଟଣାର ଶିକାର ହୋଇଥିବା ଅଭିଯୋଗ । ଏହାର ପ୍ରତିବାଦରେ ବାଘମାରି କଣ୍ଟିଲୋ ୪୮ ନମ୍ବର ରାଜ୍ୟ ରାଜପଥକୁ ସିମୋର ବାଘମାରି ମଧ୍ୟରେ ବିଳମ୍ବିତ ରାତି ପର୍ଯ୍ୟନ୍ତ ଅବରୋଧ କରିଥିଲେ ଯାତ୍ରୀ । ସୂଚନା ଅନୁସାରେ, ୪୮ନମ୍ବର ରାଜ୍ୟ ରାଜପଥର ବିଭିନ୍ନ ସ୍ଥାନରେ ହୋଇଥିବା ରାସ୍ତା ଖରାପର ମରାମତି ପାଇଁ ପୂର୍ତ୍ତ ବିଭାଗ ବେଆଇନ ଭାବେ ରାସ୍ତା ଉପରେ ମେଣ୍ଟାଲ ଓ ଡ଼ଷ୍ଟ ଗଦେଇଥିବା ଯାତ୍ରୀ ଅଭିଯୋଗ କରିଛନ୍ତି ।
ଏହା ମଧ୍ୟ ପଢନ୍ତୁ: ମହିଳା ପୋଲିସ ଏସଆଇଙ୍କ ଆତ୍ମହତ୍ୟା ଘଟଣା, ନ୍ୟାୟ ଦାବିରେ ରାସ୍ତା ଅବରୋଧ
ଫଳରେ ରାତିର ଅନ୍ଧାରରେ ଯାତ୍ରୀଙ୍କୁ ଜଣାନପଡିବାରୁ ଏକାଧିକ ଯାତ୍ରୀ ଦୁର୍ଘଟଣାର ଶିକାର ହୋଇ ମେଡିକାଲରେ ଚିକିତ୍ସିତ ହେଉଛନ୍ତି । ପୂର୍ତ୍ତ ବିଭାଗ ରାସ୍ତାକୁ ଅବରୋଧ କରିବା କାରଣରୁ ଏଭଳି ଦୁର୍ଘଟଣା ଘଟିଥିବା କହି ଶତାଧିକ ସ୍ଥାନୀୟ ଲୋକ ଓ ଯାତ୍ରୀ ରାସ୍ତା ଅବରୋଧ କରିଥିଲେ । ଖବରପାଇ ବାଘମାରି ପୋଲିସ ଘଟଣାସ୍ଥଳରେ ପହଞ୍ଚି ଲୋକମାନଙ୍କୁ ବୁଝାସୁଝା କରିଥିଲା । ଦୀର୍ଘ ସମୟ ଧରି ରାସ୍ତା ଅବରୋଧ କାରଣରୁ ଶହ ଶହ ଗାଡି ଉଭୟ ପାର୍ଶ୍ୱରେ ଅଟକି ରହିଥିବା ବେଳେ ତୁରନ୍ତ ରାସ୍ତାରୁ ମେଣ୍ଟାଲ ଓ ଡ଼ଷ୍ଟ ଉଠାଇବାକୁ ଯାତ୍ରୀମାନେ ଅଡ଼ି ବସିଥିଲେ ।
