ଖୋର୍ଦ୍ଧା: ଜିଲ୍ଲାରେ ଚାଲିଛି ଅପରେସନ କ୍ଲିନ । ବିଭିନ୍ନ ସ୍ଥାନରେ ପୋଲିସ ଚଢାଉ ଜାରି ରଖିଥିବା ବେଳେ ସଦର ଥାନା ପୋଲିସକୁ ମିଳିଛି ସଫଳତା । ଗୁରୁବାର ବିଳମ୍ବିତ ରାତିରେ ପୋଲିସ ଦଳେଇପୁଟ ଗାଁରେ ଚଢାଉ କରି 4 କେଜିରୁ ଊର୍ଦ୍ଧ୍ବ ଗଞ୍ଜେଇ ଜବତ କରିବା ସହ ଜଣଙ୍କୁ ଗିରଫ କରିଛି ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ଗିରଫ ବ୍ୟକ୍ତି ହେଲେ ସୁନନ୍ଦ ମାର୍ଥା । ଏନେଇ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ସଦର ଥାନା ଅଧିକାରୀ ବିକ୍ରମ କେଶରୀ ଜେନା । ଆଗକୁ ମଧ୍ୟ ଚଢାଉ ଜାରି ରହିବ ବୋଲି ସେ କହିଛନ୍ତି ।
ଖୋର୍ଦ୍ଧାରେ ଜିଲ୍ଲା ପୋଲିସ ପକ୍ଷରୁ ଚାଲିଛି ଅପରେସନ କ୍ଲିନ । ଏହି ଅପରେସନ ମାଧ୍ୟମରେ ଜିଲ୍ଲାରେ ନିଶା ବ୍ୟବସାୟୀ ମାନଙ୍କୁ ଗିରଫ କରି ନିଶା ସାମଗ୍ରୀ ଜବତ କରିବା ସହ ସହରକୁ ନିଶାମୁକ୍ତ କରିବାପାଇଁ ଯୋଜନା ଚଳାଇଛି ପୋଲିସ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
