ପରଲୋକରେ ଓଡିଶାର ପ୍ରଧାନ ମହାଲେଖାକାର ଅନନ୍ତ କିଶୋର ବେହେରା

ଭାରତର ଅଡିଟ ଓ ଆକାଉଣ୍ଟସ୍ ସେବାର ବରିଷ୍ଠ ଅଧିକାରୀ ତଥା ଓଡିଶାର ପ୍ରଧାନ ମହାଲେଖାକାର (ଲେଖା ଓ ହକଦାରୀ) ଅନନ୍ତ କିଶୋର ବେହେରାଙ୍କ ପରଲୋକ । ଏମ୍ସରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି । ଅଧିକ ପଢନ୍ତୁ

ଭୁବନେଶ୍ବର: ଭାରତର ଅଡିଟ ଓ ଆକାଉଣ୍ଟସ୍ ସେବାର ବରିଷ୍ଠ ଅଧିକାରୀ ତଥା ଓଡିଶାର ପ୍ରଧାନ ମହାଲେଖାକାର (ଲେଖା ଓ ହକଦାରୀ) ଅନନ୍ତ କିଶୋର ବେହେରାଙ୍କ ପରଲୋକ ଘଟିଛି । ଶନିବାର ବିଳମ୍ୱିତ ରାତିରେ ଭୁବନେଶ୍ବର ସ୍ଥିତ ଅଲ ଇଣ୍ଡିଆ ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସ (AIIMS )ରେ ଚିକିତ୍ସାଧିନ ଅବସ୍ଥାରେ ତାଙ୍କର ସେ ଶେଷ ନିଃଶ୍ୱାସ ତ୍ୟାଗ କରିଛନ୍ତି । ତେବେ ମୃତ୍ୟୁ ବେଳକୁ ତାଙ୍କୁ 52 ବର୍ଷ ହୋଇଥିଲା । ତେବେ ଦୀର୍ଘ ଦିନ ଧରି ଫୁସଫୁସ ସଂକ୍ରମଣ ଜନିତ ରୋଗରେ ପୀଡିତ ଥିଲେ ଅନନ୍ତ କିଶୋର ବେହେରା ।

ଆକାଉଣ୍ଟସ୍ ସେବାର ବରିଷ୍ଠ ଅଧିକାରୀ ଅନନ୍ତ କିଶୋର ବେହେରାଙ୍କ ଜନ୍ମ କଟକ ଜିଲ୍ଲା ମାହାଙ୍ଗା ନିକଟବର୍ତ୍ତୀ କୁଆଁପାଳ କୁହୁଣ୍ଡା ଗ୍ରାମରେ ହୋଇଥିଲା । ଅନନ୍ତ କିଶୋର ଭାରତୀୟ ଅଡିଓ ଓ ଆକାଉଣ୍ଟସ୍ ବିଭାଗରେ ଅନେକ ପଦବୀରେ ସେବା ପ୍ରଦାନ କରିଛନ୍ତି । ସେ ଉଭୟ ଦେଶ ଓ ବିଦେଶରେ ଆକାଉଣ୍ଟ୍ସ କ୍ଷେତ୍ରରେ କାର୍ଯ୍ୟ କରିଛନ୍ତି । ମୃତ୍ୟୁ ବେଳକୁ ତାଙ୍କ ନିକଟରେ ତାଙ୍କ ପରିବାର ଲୋକେ ଉପସ୍ଥିତ ଥିଲେ । ଖବର ପାଇ ପ୍ରଧାନ ମହାଲେଖାକାର (ଅଡିଟ) ରାଜକୁମାର, ମହାଲେଖାକାର ବିଶ୍ବନାଥ ସିଂହ ଜାଦୋନ, ବରିଷ୍ଠ ଉପ ଲେଖାକାର ଦୀପକ ରଘୁ ଓ ଅନ୍ୟାନ୍ୟ ବରିଷ୍ଠ ଅଧିକାରୀମାନେ ମଧ୍ୟ ଏମ୍ସ ଯାଇ ତାଙ୍କ ମରଶରୀରର ଶେଷ ଦର୍ଶନ କରିଥିଲେ । ତେବେ ତାଙ୍କୁ ନେଇ ତାଙ୍କ ପରିବାର ମଧ୍ୟରେ ଶୋକର ମାହୋଲ ଖେଳିଯାଇଛି । ବହୁ ବିଶିଷ୍ଟ ବ୍ୟକ୍ତି ଓ ଅନନ୍ତ କିଶୋରଙ୍କ ସହକର୍ମୀମାନେ ତାଙ୍କ ମୃତ୍ୟୁରେ ଗଭୀର ଦୁଃଖ ପ୍ରକାଶ କରିବା ସହ ତାଙ୍କ ଶୋକସନ୍ତପ ପରିବାରକୁ ସମବେଦନା ଜଣାଇଛନ୍ତି ।

ଇଟିଭି ଭାରତ, ଭୁବନେଶ୍ବର