ଭୁବନେଶ୍ବର: ଶାନ୍ତି ପ୍ରିୟ ଓଡିଶା ରାଜ୍ୟରେ ବଢୁଛି ଅପରାଧ । ଆଇନ ଶୃଙ୍ଖଳାକୁ ନେଇ ସରକାର ଯେତେ ସଫେଇ ଦେଲେ ମଧ୍ୟ ବିପର୍ଯ୍ୟନ୍ତ ହେବାରେ ଲାଗିଛି ରାଜ୍ୟର ଆଇନ ବ୍ୟବସ୍ଥା । ଗତ 5 ବର୍ଷ ମଧ୍ୟରେ ବଢିବାରେ ଲାଗିଛି ମାମଲା । ଆଜି ଏଭଳି ଉଦବେଗ ଜନକ ତଥ୍ୟ ଆସିଛି ରାଜ୍ୟ ବିଧାନସଭାରୁ ।
ବିଧାନସଭା ଶୁନ୍ୟକାଳରେ ବିଜେପି ବିଧାୟିକା କୁସୁମ ଟେଟେଙ୍କ ପ୍ରଶ୍ନର ଉତ୍ତରେ ଦେଇଥିଲେ ଗୃହାରାଷ୍ଟ୍ର ମନ୍ତ୍ରୀ ତୁାଷାରକାନ୍ତି ବେହେରା । ବିଧାୟିକାଙ୍କ ପ୍ରଶ୍ନ ଥିଲା ଗତ 5 ବର୍ଷ ମଧ୍ୟରେ ଗତ 5 ବର୍ଷରେ ରାଜ୍ୟରେ କେତେ ମାମଲା ବଢିଛି? ଥାନା ଗୁଡିକରେ କେତେ ମାମଲା ରୁଜୁ ହୋଇଛି? ସେହିପରି କୁସୁମ ପଚାରିଥିଲେ ଓଡିଶା ପୋଲିସ କର୍ମଚାରୀଙ୍କର ଶେଷ ଥର ପାଇଁ କେବେ ସ୍ୱାସ୍ଥ୍ୟ ଯାଞ୍ଚ ହୋଇଥିଲା?
ଏହାବି ପଢନ୍ତୁ- ରାଜ୍ୟ ସୂଚନା ଆୟୁକ୍ତ ଭାବେ ସୁଶାନ୍ତ କୁମାର ମହାନ୍ତିଙ୍କ ଶପଥ ଗ୍ରହଣ
ବିଧାୟିକା କୁସୁମ ଟେଟେଙ୍କ ପ୍ରଶ୍ନର ଉତ୍ତର ଦେଇ ଗୃହରାଷ୍ଟ୍ର ମନ୍ତ୍ରୀ ତୁଷାରକାନ୍ତି ବେହେରା କହିଛନ୍ତି ‘‘ ଗତ 2018 ମସିହାରେ ରାଜ୍ୟର ବିଭିନ୍ନ ଥାନାରେ ୧ଲକ୍ଷ ୭ ହଜାର ୪୦୮ଟି ମାମଲା ପଞ୍ଜିକୃତ ହୋଇଲା । 2019 ବର୍ଷରେ 1 ଲକ୍ଷ 21 ହଜାର 525 ଟି ମାମଲା ରୁଜୁ ହୋଇଥିଲା । 2020 ବର୍ଷରେ 1 ଲକ୍ଷ 34 ହଜାର 230 ଟି ମାମଲା, 2021 ରେ 1 ଲକ୍ଷ 55 ହଜାର 420 ଟି ଓ 2022 ରେ 1 ଲକ୍ଷ 78 ହଜାର 190 ଟି ଅପରାଧିକ ମାମଲା ରୁଜୁ ହୋଇଥିବା ମନ୍ତ୍ରୀ ଉତ୍ତର ଦେଇଛନ୍ତି ।
ମନ୍ତ୍ରୀ ଦେଇଥିବା ଉତ୍ତର ଅନୁସାରେ ଗତ 2020 ମସିହାରେ ସର୍ବାଧିକ ଏକ ହଜାର 70 ଟି ହତ୍ୟା ମାମଲା ପଞ୍ଜିକୃତ ହୋଇଥିଲା । 2021 ରେ 3 ହଜାର 327 ଟି ଦୁଷ୍କର୍ମ ମାମଲା ରୁଜୁ ହୋଇଥିଲା 2022 ରେ ସର୍ବାଧିକ 626 ଡକାୟତି ମାମଲା ରୁଜୁ ହୋଇଥିବା ମନ୍ତ୍ରୀ ଉତ୍ତରରେ କହିଛନ୍ତି ।
ଅନ୍ୟପଟେ ଚଳିତ ବିଧାନସଭା ବଜେଟ ଅଧିବେଶନ ଆରମ୍ଭ ଠାରୁ ରାଜ୍ୟର ବିପର୍ଯ୍ୟସ୍ତ ଆଇନ ଶୃଙ୍ଖଳାକୁ ପ୍ରସଙ୍ଗ କରି ବିରୋଧୀ ବିଜେପି ଓ କଂଗ୍ରେସ ବିଧାନସଭାରେ ହଟ୍ଟଗୋଳ ହଙ୍ଗାମା ଜାରି ରଖିଛନ୍ତି । ଖାଲି ଏତିକି ନୁହେଁ ନବ ଦାସ ହତ୍ୟାକାଣ୍ଡକୁ ନେଇ ବିଧାନସଭାରେ ରାଜ୍ୟ ସରକାରଙ୍କୁ ଶାଣିତ ଆକ୍ରମଣ ଜାରି ରଖିଛନ୍ତି । ଗୋଟିଏ ପଟେ ସରକାରୀ ଦଳ ରାଜ୍ୟରେ ଆଇନ ଶୃଙ୍ଖଳା ଠିକ ଥିବା ଦାବି କରୁଥିବା ବେଳେ, ଏବେ ମନ୍ତ୍ରୀଙ୍କ ଏହି ଉତ୍ତର ସତ ସ୍ପଷ୍ଟ ହୋଇଛି । ଯାହାକୁ ନେଇ ଆଗାମୀ ଦିନରେ ସରକାରଙ୍କୁ ଘେରିପାରନ୍ତି ବିରୋଧୀ ।
ଇଟିଭି ଭାରତ, ଭୁବନେଶ୍ବର
