ଖୋର୍ଦ୍ଧା: କୋଭିଡ-19ର ପ୍ରଭାବରେ ଦୁଇ ମାସରୁ ଊର୍ଦ୍ଧ୍ବ ଲକଡାଉନ ସ୍ଥିତି ଜାରି ରହିଛି । ଯେଉଁଥିପାଇଁ ଘରୋଇ ଗାଡି ଚଳାଚଳ ଦୀର୍ଘଦିନ ଧରି ବନ୍ଦ ରହିଥିଲା । ଫଳରେ ଟ୍ୟାକ୍ସି ଏବଂ ବସ ଡ୍ରାଇଭର ଜୀବିକା ହରାଇ ହାତ ବାନ୍ଧି ବସିଛନ୍ତି । ଏବେ ସରକାର ବସ ଏବଂ ଟ୍ୟାକ୍ସି ଚଳାଚଳ ପାଇଁ ଅନୁମତି ଦେଇଛନ୍ତି ।
ଓଡିଶା ମୋଟର ଚାଳକ ସଙ୍ଘ ପକ୍ଷରୁ ଖୋର୍ଦ୍ଧା ଜିଲ୍ଲାପାଳଙ୍କୁ ଦାବିପତ୍ର
ହେଲେ ଓଡିଶା ମୋଟର ଚାଳକ ସଙ୍ଘ 3 ମାସ ଲକଡାଉନ ସମୟର କ୍ଷତିପୂରଣ ଏବଂ 50 ଲକ୍ଷ ଟଙ୍କାର ବୀମା ଦାବି କରି ମଙ୍ଗଳବାର ଜିଲ୍ଲାପାଳଙ୍କୁ ଦାବିପତ୍ର ଦେଇଛନ୍ତି । ଆଗାମୀ 15ଦିନ ମଧ୍ୟରେ ମୋଟର ଚାଳକ ସଙ୍ଘର ଦାବୀ ପୂରଣ ନହେଲେ ସାରା ରାଜ୍ୟରେ ଚକ ଅଖ ବନ୍ଦ କରିବା ପାଇଁ ଚେତାବନୀ ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
