ଖୋର୍ଦ୍ଧା: ମାଆଙ୍କ ଆଗମନରେ ଚଳଚଞ୍ଚଳ ହୋଇଉଠିଛି ଗାଁ ଠାରୁ ସହର। ସବୁଠି ପୂଜା ପାଉଛନ୍ତି ଜଗତଜନନୀ ଦୁର୍ଗା । ଜାତି ଧର୍ମ ବର୍ଣ୍ଣ ନିର୍ବିଶେଷରେ କରାଯାଉଛି ମାଆଙ୍କ ଉପାସନା । ଦଶହରା ହିନ୍ଦୁ ଧର୍ମର ଏହି ପୂଜା ହୋଇଥିବା ବେଳେ କର୍ତ୍ତା ସାଜଥାନ୍ତି ମୁସଲମାନ। ଏଭଳି ଏକ ନିଆରା ଢଙ୍ଗରେ ଦୁର୍ଗାପୂଜା ପାଳିତ ହୋଇଥାଏ ଖୋର୍ଦ୍ଧାର ବୋଲଗଡ଼ ବ୍ଲକ ମାଣିକାଗୋଡା ଗ୍ରାମରେ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ଏଠାରେ ଦୁର୍ଗାପୂଜା ପାଳନ ଅବସରରେ ହେଉଥିବା ଅପରାଜିତା ହୋମରେ କର୍ତ୍ତା ସାଜିଥାନ୍ତି ମୁସଲମାନ ଦଳବେହେରା । ଆଉ ଏହି ପରମ୍ପରା ପ୍ରାୟ ତିନିଶହ ବର୍ଷରୁ ଊର୍ଦ୍ଧ୍ବ । ମାଣିକାଗୋଡାର ଏହି ପୂଜା ଭାଇଚାରା ପ୍ରଦାନ କରୁଥିବା ବେଳେ ଜାତି ଧର୍ମ ବର୍ଣ୍ଣ ଭିତରେ ସମନ୍ବୟ ରଖିଥାଏ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
