ଖୋର୍ଦ୍ଧା: 16 ନମ୍ୱର ଜାତୀୟ ରାଜପଥରେ କଳା ପଲସର ଆତଙ୍କ । ଦିନ ଦ୍ବିପହରେ ଗୋଟିଏ ପରିବାର ଉପରେ ଆକ୍ରମଣ କରି ଲୁଟ ହୋଇଥିବା ଅଭିଯୋଗ । ଆହତ ମହିଳାଙ୍କୁ ଖୋର୍ଦ୍ଧା ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି ।
ମାରଣାସ୍ତ୍ର ଦେଖାଇ ଲୁଟି ନେଲେ ଟଙ୍କା ଓ ସୁନା ଗହଣା
ସୂଚନାନୁସାରେ, ଖୋର୍ଦ୍ଧା ଟାଙ୍ଗୀର ସ୍ମିତା ପାଇକରାଙ୍କ ପରିବାର ବାଇକରେ ଘରକୁ ଫେରୁଥିବାବେଳେ ଉଗ୍ରତାରା ଛକ ନିକଟରେ କଳା ପଲସରରେ ତିନି ଜଣ ଆସି ହଠାତ୍ ମହିଳାଙ୍କୁ ଆକ୍ରମଣ କରିଥିଲେ । ପରେ ସାଙ୍ଗରେ ଥିବା ଛୋଟ ପୁଅ ବେକରେ ମାରଣାସ୍ତ୍ର ଲଗାଇ ସମସ୍ତ ଅଳଙ୍କାର, ଟଙ୍କା ଓ ମୋବାଇଲ ଲୁଟ କରିଥିଲେ। ପରେ ପରିବାର ପକ୍ଷରୁ ଟାଙ୍ଗୀ ଥାନାରେ ଲିଖିତ ଅଭିଯୋଗ କରିଥିଲେ ଲୁଟର ଶିକାର ହୋଇଥିଲା ପରିବାର । ଅଭିଯୋଗ କ୍ରମେ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
