ଭୁବନେଶ୍ବର: ଖଣି ମାଫିଆ ଘରେ ଚଢାଉ । ଖଣି ମାଫିଆ ଛୋଟା ଘରେ ଚଢାଉ କରିଛି ଏସଟିଏଫ ଟିମ । ଏସଟିଏଫ ଏସପିଙ୍କ ନେତୃତ୍ବରେ ତିନୋଟି ଟିମ ଛୋଟା ଓରଫ ଶୁଭ୍ରାଶୁଂ ପରିଡା ଘର ଓ ଅଫିସରେ ଚଢାଉ ଜାରି ରହିଛି ।
ବେଆଇନ ଖଣି ଖନନ ନେଇ ତାଙ୍କ ଘର ଉପରେ ଚଢାଉ କରିଛି ଏସଟିଏଫ । ଘର ରେଡ ହେଉଥିବା ଜାଣିବା ପରେ ସେ କୋର୍ଟରେ ଆତ୍ମସମର୍ପଣ କରିବାକୁ ଯାଉଥିବାବେଳେ ଏସଟିଏଫ ଟିମ ତାଙ୍କୁ ପିଛା କରିଥିଲା । ତେବେ ଖୋର୍ଦ୍ଧା କୋର୍ଟ ନିକଟରେ ଆତ୍ମଗୋପନ କରିଥିବା ଖବର ପାଇ ତାଙ୍କୁ ଧରିବା ପାଇଁ ଏସଟିଏଫ ଜାଲ ବିଛାଇଥିବା ଜଣାପଡିଛି ।
ପୂର୍ବରୁ ଖଣି ମାଫିଆ ନିତୁ ମାନସିଂ ଗିରଫ ହୋଇଥିବାବେଳେ ଆଜି(ମଙ୍ଗଳବାର) ଛୋଟାକୁ ଗରିଫ କରିବାକୁ ଏସଟିଏଫ ଯୋଜନା କରିଥିବା ସୂଚନା ମିଳିଛି । ସୂଚନା ଥାଉକି, ଏସବୁ ଖଣିମାଫିଆ ନିଜ ନିଜର ଦବଦବା ଦେଖାଇ ଖୋର୍ଦ୍ଧାର ବିଭିନ୍ନ ପଥର ଖଣିରେ ବେଆଇନ ପଥର ଖନନ କରୁଥିଲେ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
