ଖୋର୍ଦ୍ଧା: ଲଜ୍ରୁ ଯୁବକଙ୍କ ମୃତଦେହ ଉଦ୍ଧାର । ଖୋର୍ଦ୍ଧା ଟାଙ୍ଗୀ ଥାନା କାଳୁପଡାଘାଟ ଜଗା-ବଳିଆ ଲଜ୍ରୁ ଯୁବକଙ୍କ ମୃତଦେହ ଉଦ୍ଧାର । ମୃତ ବ୍ୟକ୍ତି ହେଲେ ଆନ୍ଧ୍ରପ୍ରଦେଶ ରାଜ୍ୟର ଶ୍ରୀକାକୁଲମ୍ ଜିଲ୍ଲାର କୋଣ୍ଡିଭେଦି ଆର୍-ବେଲଗାମ୍ ଅଞ୍ଚଳର ଦୁପାନା ତୁଳସୀଦାସ ।
ଏହି ଘଟଣାରେ ଟାଙ୍ଗୀ ଥାନା ପୋଲିସ ଏବଂ ଚିଲିକା ତହସିଲଦାର ଘଟଣାସ୍ଥଳରେ ପହଞ୍ଚି ବନ୍ଦ ରୁମର କବାଟ ଭାଙ୍ଗି ମୃତଦେହକୁ ଉଦ୍ଧାର କରିଛନ୍ତି। ବର୍ତ୍ତମାନ ସୁଦ୍ଧା ମୃତ୍ୟୁର କାରଣ ଅସ୍ପଷ୍ଟ ରହିଛି ।
ମିଳିଥିବା ସୂଚନା ମୁତାବକ, ଦୀର୍ଘ ୫ ଦିନ ଧରି ବ୍ୟକ୍ତି ଜଣଙ୍କ ଏଠାରେ ରୁମ୍ ଭଡା ନେଇ ରହୁଥିଲେ । ତେବେ ବେଆଇନ ଭାବେ ଦୀର୍ଘ ୮ ରୁ ୧୦ ବର୍ଷ ଧରି ଏହି ଲଜ୍ ଚାଲିଥିବା ଅଭିଯୋଗ ହୋଇଛି । ଲଜର କୌଣସି ପଞ୍ଜୀକୃତ ନମ୍ବର ନଥିବା ମଧ୍ୟ ଅଭିଯୋଗ ହୋଇଛି। ଏହି ଘଟଣାରେ ଲଜ୍ ମାଲିକଙ୍କୁ ପୋଲିସ ଅଟକ ରଖି ପଚରାଉଚରା କରୁଛି।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
