ଖୋର୍ଦ୍ଧା: ଗୁରୁଜଙ୍ଗରେ ହୋଇଥିବା ଗୁଳିମାଡ ଘଟଣାର ମୁଖ୍ୟ ଅଭିଯୁକ୍ତ ଗିରଫ । ଗତ ଡିସେମ୍ବର 8 ତାରିଖ ଦିନ ଗୁରୁଜଙ୍ଗ ରାସ୍ତାରେ ଗାଡିକୁ ବାଟ ଛାଡିବା ଘଟଣାକୁ ନେଇ ସୃଷ୍ଟି ବଚସାରୁ ଗୁଳିମାଡ ହୋଇଥିଲା । ଯେଉଁଥିରେ ସନ୍ତୋଷ ସାହୁ ନାମକ ଜଣେ ବ୍ୟକ୍ତି ଆହତ ହୋଇଥିଲେ । ଶେଷରେ ଶନିବାର ଘଟଣାର ମୁଖ୍ୟ ଅଭିଯୁକ୍ତ କୁମାରବସ୍ତ ଗ୍ରାମର ଦୀପକ ପ୍ରଧାନ ଓରଫ ଲିପୁକୁ ଗିରଫ କରିଛି ଆଦର୍ଶ ଥାନା ପୋଲିସ ।
ଏହି ଗୁଳିମାଡ ପରେ ଘଟଣାର ତଦନ୍ତ କରି ଆଦର୍ଶ ଥାନା ପୋଲିସ ପୂର୍ବରୁ 8ଟି ବାଇକ ସହିତ ଅନ୍ୟ ଅପରାଧିକୁ ଗିରଫ କରିଥିଲା । ମାତ୍ର ମୁଖ୍ୟ ଅଭିଯୁକ୍ତ ଦୀପକ ଫେରାର ଥିଲା । ପରେ ଏକ ସ୍ବତନ୍ତ୍ର ଟିମ୍ ଗଠନ କରି ପୋଲିସ ମୁଖ୍ୟ ଅଭିଯୁକ୍ତକୁ ଗିରଫ କରିବାରେ ସକ୍ଷମ ହୋଇଛି । ତା ନିକଟରୁ ଗୋଟିଏ ବନ୍ଧୁକ ଓ ଦୁଇଟି ଜୀବନ୍ତ ଗୁଳି ଜବତ କରାଯାଇଛି ।
ସେହିପରି ପୂର୍ବରୁ ମଧ୍ୟ ଦୀପକ ନାମରେ ହତ୍ୟାକାଣ୍ଡ ଭଳି ଅନେକ ଅପରାଧିକ ମାମଲା ରହିଛି । ସେ ଜେଲରୁ ଆସି ଏହି ଗୁଳିକାଣ୍ଡ ଘଟାଇଥିବା ସାମ୍ବାଦିକ ସମ୍ମିଳନୀ ମାଧ୍ୟମରେ ଖୋର୍ଦ୍ଧା ଏସଡିପିଓ ସୂଚନା ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
