ଖୋର୍ଦ୍ଧା: କୋରୋନା ଲକଡାଉନ ସମୟରେ ଚୋରା ଦେଶୀ ମଦ ବେପାରୀଙ୍କ ପ୍ରାଦୁର୍ଭାବ ବେଗୁନିଆ ଅଞ୍ଚଳରେ ବୃଦ୍ଧି ପାଇବାରେ ଲାଗିଛି । ସେହିଭଳି ଦେଶୀ ମଦ ବେପାରୀଙ୍କ ଉପରେ କଡା ପଦକ୍ଷେପ ଗ୍ରହଣ କରୁଛି ବେଗୁନିଆ ପୋଲିସ ।
ବେଗୁନିଆ ପୋଲିସ ଟାର୍ଗେଟରେ ଦେଶୀ ମଦ ବେପରୀ
ସୂଚନା ଅନୁଯାୟୀ ଖୋର୍ଦ୍ଧା ଜିଲ୍ଲା ବେଗୁନିଆ ଥାନା ଅନ୍ତର୍ଗତ ଏକଡାଳିଆ ହଡାବନ୍ଧ କାଜୁ ଜଙ୍ଗଲରେ ମଦ ରନ୍ଧା ହେଉଥିବା କୌଣସି ସୂତ୍ରରୁ ପୋଲିସ ଖବର ପାଇ ବେଗୁନିଆ ଥାନା ଅଧିକାରୀଙ୍କ ନେତୃତ୍ବରେ ଚଢ଼ାଉ କରିଥିଲା । ପୋଲିସ ଚଢ଼ାଉ ଖବର ପାଇ ମଦ ବ୍ୟବସାୟୀ ମାନେ ଖସି ଯାଇଥିବା ବେଳେ ଘଟଣାସ୍ଥଳରୁ ପୋଲିସ ଦେଢ଼ ହଜାର ଲିଟରରୁ ଉର୍ଦ୍ଧ୍ବ ପୋଚ ଜବତ କରି ନଷ୍ଟ କରିଛି । ଏହା ସହ 30 ଲିଟର ଦେଶୀ ମଦ ଜବତ କରିଛନ୍ତି । ସେହିଭଳି ଗତକାଲି ବେଗୁନିଆ ପୋଲିସ ପକ୍ଷରୁ କଣ୍ଟାବାଡ କାଜୁ ଜଙ୍ଗଲରେ ଚଢ଼ାଉ କରି ହଜାରେ ଲିଟର ପୋଚ ନଷ୍ଟ କରି ଜଣକୁ ଗିରଫ କରିଥିଲା ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା,ଇଟିଭି ଭାରତ
