ଭୁବନେଶ୍ବର: ଛାତରୁ ଡେଇଁ ରାଜଧାନୀ ଭୁବନେଶ୍ବରର କେନ୍ଦ୍ରୀୟ ବିଦ୍ୟାଳୟ-3ର ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ ଘଟଣାକୁ ନେଇ ବଢୁଛି ତାତି । ଅଭିଭାବକଙ୍କ ପରେ ଏବେ ଆନ୍ଦୋଳନମୁହାଁ ଛାତ୍ରଛାତ୍ରୀ । ଘଟଣାରେ କେଭି-3 ଶିକ୍ଷକଙ୍କ ଗିରଫ ଦାବି କରି ସ୍କୁଲ ଫାଟକ ସମ୍ମୁଖରେ ଆନ୍ଦୋଳନରେ ବସିଛନ୍ତି ଛାତ୍ରଛାତ୍ରୀ । ଯାହା ରାଜଧାନୀରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି ।
ଛାତ୍ରଛାତ୍ରୀଙ୍କ ଅଭିଯୋଗ ଅନୁଯାୟୀ, ବିଦ୍ୟାଳୟର ପିଇଟି ଶିକ୍ଷୟିତ୍ରୀଙ୍କ ମାନସିକ ଅତ୍ୟାଚାର ଯୋଗୁଁ ଛାତ୍ରୀ ଜଣକ ଆତ୍ମହତ୍ୟା ଉଦ୍ୟମ କରି ଛାତରୁ ଡେଇଁଥିଲେ । ଏବେ ସେ ଆଇସିୟୁରେ ଭର୍ତ୍ତି ହୋଇ ଜୀବନ ସହ ସଂଗ୍ରାମ କରୁଛନ୍ତି । ଶିକ୍ଷୟିତ୍ରୀଙ୍କ ଏଭଳି ବ୍ୟବହାରକୁ ନେଇ ଛାତ୍ରଛାତ୍ରୀ ନ୍ୟାୟ ଦାବି କରିଛନ୍ତି ।
ସେପଟେ ଘଟଣାକୁ ନେଇ 3 ଜଣିଆ କେନ୍ଦ୍ରୀୟ କମିଟି ଆସୁଥିବା ଜଣାପଡିଛି । ଏହି କମିଟି ଘଟଣାର ତଦନ୍ତ କରିବା ସହ କେଉଁ କାରଣରୁ ଛାତ୍ରୀ ଜଣକ ଛାତରୁ ଡେଇଁ ଆତ୍ମହତ୍ୟା ଉଦ୍ୟମ କରିଥିଲେ ତାହା ସ୍ପଷ୍ଟ କରିବେ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
