ଖୋର୍ଦ୍ଧା: ଦେଶରେ କାୟା ବିସ୍ତାର କରୁଛି ମହାମାରୀ କୋରୋନା ଭାଇରସ । ଦିନକୁ ଦିନ କୋରୋନାରେ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ହେବାରେ ଲାଗିଛି । ବିଭିନ୍ନ ଅଞ୍ଚଳକୁ ଭୂତାଣୁ ମୁକ୍ତ କରିବା ପାଇଁ ଚାଲିଛି ବିଶୋଧନ ପ୍ରକ୍ରିୟା । ଏହି ପ୍ରକ୍ରିୟାରେ 26 ତାରିଖଠାରୁ ଖୋର୍ଦ୍ଧା ସହରର ବିଭିନ୍ନ ସ୍ଥାନକୁ ସାନିଟାଇଜ କରାଯାଉଛି ।
ସାନିଟାଇଜ ହେଲା ଖୋର୍ଦ୍ଧା ଜିଲ୍ଲାପାଳଙ୍କ କାର୍ଯ୍ୟାଳୟ
ଗୁରୁବାର ସୋଡ଼ିଅମ ହାଇପୋକ୍ଲୋରାଇଡ଼ କେମିକାଲକୁ ପାଣିରେ ମିଶାଇ ଖୋର୍ଦ୍ଧା ଜିଲ୍ଲାପାଳଙ୍କ କାର୍ଯ୍ୟାଳୟର ଭିତର ଓ ବାହାରକୁ ସିଞ୍ଚନ କରାଯାଇଛି । ଏହି କେମିକାଲ ସିଞ୍ଚନ ଦ୍ବାରା ବାହାରେ ଥିବା ଭୁତାଣୁ ନଷ୍ଟ ହୋଇଯିବେ ବୋଲି କହିଛନ୍ତି ଖୋର୍ଦ୍ଧା ସହକାରୀ ଅଗ୍ନିଶମ ଅଧିକାରୀ ।
ଖୋର୍ଦ୍ଧାରୁ ଗୋବିନ୍ଦଚନ୍ଦ୍ର ପଣ୍ଡା, ଇଟିଭି ଭାରତ
