ଖୋର୍ଦ୍ଧା: ଜିଲ୍ଲାର ମୋଟା କାଜୁ ଜଙ୍ଗଲରେ ବେଆଇନ ମାଙ୍କଡା ପଥର ଖଣି ଉପରେ ପୋଲିସ ଚଢ଼ାଉ। ଖଣି ମାଲିକ ଏବଂ ଗାଡି ଚାଳକ ଫେରାର ଥିବା ବେଳେ 14ଟି ଗାଡି ଜବତ ହୋଇଥିବା ଏକ ସାମ୍ବାଦିକ ସମ୍ମିଳନୀରେ ଖୋର୍ଦ୍ଧା ଏସପି ଜଣାଇଛନ୍ତି। ଜବତ ଗାଡି ମଧ୍ୟରେ ଗୋଟିଏ ଲେଖାଏଁ ଜେସିବି ମେସିନ, ଟ୍ରାକ୍ଟର ଏବଂ 3ଟି ପାୱାରଟିଲର, ଟ୍ରକ, ମିନିଟ୍ରକ ଓ ମଟର ସାଇକେଲକୁ ଜବତ କରାଯାଇଛି। ଏପରି ଚଢ଼ାଉ ଆଗାମୀ ଦିନରେ ଜାରି ରହିବ। ଗତକାଲି ରାତିରେ ଖୋର୍ଦ୍ଧା ଅତିରିକ୍ତ ଏସପି ମାୟାଧର ସେଠୀଙ୍କ ନେତୃତ୍ବରେ ଏହି ଚଢାଉ ହୋଇଥିଲା। ଏଥିରେ 3 ଡିଏସପି, 6 ଇନସ୍ପେକ୍ଟର, 8 ଜଣ ସବ ଇନିସ୍ପେକ୍ଟର ଏହି ଅପରେସନରେ ସାମିଲ ଥିଲେ।
ବେଆଇନ ମାଙ୍କଡା ପଥର ଖଣି ଉପରେ ଚଢ଼ାଉ: 14 ଗାଡି ଜବତ
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
