ଖୋର୍ଦ୍ଧା: ଚିଲିକାରୁ ପୁଣି ଉଚ୍ଛେଦ ହେଲା ବେଆଇନ ଚିଙ୍ଗୁଡି ଘେରି । ଖୋର୍ଦ୍ଧା ଜିଲ୍ଲା ପ୍ରଶାସନ ପକ୍ଷରୁ ଉପଜିଲ୍ଲାପାଳ ଅଶୋକ କୁମାର ବେହୁରିଆଙ୍କ ନେତୃତ୍ବରେ ଚିଲିକା ବ୍ଲକର ହାଟବରଡିହ ଅଞ୍ଚଳ ସଂଲଗ୍ନ ଚିଲିକା ଜଳରାଶି ମଧ୍ୟରୁ ବେଆଇନ ଚିଙ୍ଗୁଡ଼ି ଘେରି ଉଚ୍ଛେଦ କରାଯାଇଛି । ଏହି ଉଚ୍ଛେଦ ଅଭିଯାନରେ ପ୍ରାୟ ୫୫ ଏକର ବେଆଇନ ଘେରି ହଟାଯାଇଛି ।
ବିଶ୍ବ ପ୍ରସିଦ୍ଧ ଚିଲିକା ହ୍ରଦକୁ ବେଆଇନ ଘେରି ମୁକ୍ତ କରିବା ପାଇଁ ଖୋର୍ଦ୍ଧା ଜିଲ୍ଲା ପ୍ରଶାସନ ଉଦ୍ୟମ ଜାରି ରଖିଛି । ପୂର୍ବରୁ ୩ ଥର ଉଚ୍ଛେଦ କରାଯାଇଥିବା ବେଳେ ଉପଜିଲାପାଳଙ୍କ ନେତୃତ୍ବରେ ହାଟବରଡି ଗ୍ରାମର ଜେଟିଠାରୁ ବେଆଇନ ଘେରି ଉଚ୍ଛେଦ ଅଭିଯାନ ଆରମ୍ଭ ହୋଇଛି । ଆଇନ ଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ସେଠାରେ ୨ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଥିବା ଉପଜିଲ୍ଲାପାଳ କହିଛନ୍ତି ।
