ଖୋର୍ଦ୍ଧା: ବ୍ରାଉନସୁଗାର ବେପାରରେ ଧରାପଡ଼ିଲେ ସ୍ବାମୀ ଓ ସ୍ତ୍ରୀ । ବ୍ୟବସାୟ ଚାଲିଥିବା ବେଳେ ମାଡ଼ି ବସିଲା ପୋଲିସ । ଖୋର୍ଦ୍ଧା ଜିଲ୍ଲା ଗୁରୁଜଙ୍ଗ ଅଞ୍ଚଳରୁ 31 ଲକ୍ଷ ଟଙ୍କାର ବ୍ରାଉନସୁଗାର ଜବତ ହୋଇଛି । ଏହି ଘଟଣାରେ 4 ଅଭିଯୁକ୍ତ ସମେତ ନାବାଳିକା ଗିରଫ ହୋଇଛି । ସୂଚନା ଅନୁଯାୟୀ ଖୋର୍ଦ୍ଧା ଆଦର୍ଶ ଥାନା ପୋଲିସ ଏକ ବିଶ୍ବସ୍ତ ସୂତ୍ରରୁ ଖବର ପାଇ ଗୁରୁଜଙ୍ଗ ଅଞ୍ଚଳରେ ବ୍ରାଉନସୁଗାର ବ୍ୟବସାୟ ଚାଲିଥିବା ବେଳେ ଚଢ଼ାଉ କରିଥିଲା ।
31 ଲକ୍ଷର ବ୍ରାଉନସୁଗାର ଜବତ, 4 ଗିରଫ
ଚଢ଼ାଉ ବେଳେ 310 ଗ୍ରାମ ବ୍ରାଉନସୁଗାର ଜବତ କରିଛି ପୋଲିସ । ଯାହାର ଆନୁମାନିକ ମୂଲ୍ୟ 31ଲକ୍ଷ ଟଙ୍କା ହେବ ବୋଲି ପୋଲିସ ପକ୍ଷରୁ ସୂଚନା ମିଳିଛି । ଏହି ଘଟଣାରେ ନନ୍ଦ କିଶୋର ସାହୁ, ନାବାଳିକା ପତ୍ନୀ ସହ ଉକ୍ତ ଅଞ୍ଚଳର ସଂଗ୍ରାମ ସାମନ୍ତରାୟ, ସୋମନାଥ ବେହେରା ଏବଂ ସଂଜୀବ ସାହୁକୁ ଗିରଫ କରାଯାଇଛି । ଗିରଫ ବେଳେ ସେମାନଙ୍କଠାରୁ ଗୋଟିଏ କାର୍ ଓ ଗୋଟିଏ ବାଇକକୁ ପୋଲିସ ଜବତ କରିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
