ଖୋର୍ଦ୍ଧା: ଜିଲ୍ଲାର ବାଲୁଗାଁ ଦେଇ ଯାଇଥିବା 16 ନମ୍ବର ଜାତୀୟ ରାଜପଥର ସରନଇ ନିକଟରେ ଆଜି ଏକ ଦରପୋଡ଼ା ମହିଳାଙ୍କ ମୃତଦେହ ଉଦ୍ଧାର ହୋଇଛି। ରାସ୍ତା କଡ଼ରୁ ଜବତ ହୋଇଥିବା ଏହି ମୃତଦେହଟି ଜଳି ଯାଇଥିବାରୁ ମୃତକଙ୍କ ପରିଚୟ ମିଳିପାରିନାହିଁ ।
ଭିଡିଓ ସୌଜନ୍ୟ: ପ୍ରତିନିଧି ଖୋର୍ଦ୍ଧା
ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ତଦନ୍ତ ଜାରି ରଖିଛି । ମୃତ ଶରୀର ନିକଟରେ ମଦ ବୋତଲ, ପାଣି ପାଉଚ ପ୍ରଭୃତି ପଡିଥିବା ଦେଖାଯାଇଛି । ତେବେ ମୃତ ମହିଳା ଜଣକ କିଏ ଏବଂ ଏଠାକୁ କିପରି ଆସିଲେ ତାହାର ତଦନ୍ତ କରୁଛି ପୋଲିସ। ସବୁଠାରୁ ଆଶ୍ଚର୍ଯ୍ୟ ଚକିତ କଥା ହେଉଛି ମହିଳାଙ୍କୁ ଟାୟାର ସାହାଯ୍ୟରେ ପୋଡି ଦିଆଯାଇଛି।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
