ଖୋର୍ଦ୍ଧା: ଖୋର୍ଦ୍ଧା ବ୍ଲକରେ ବନ୍ୟା ପରିସ୍ଥିତି । ବ୍ଲକର 10ଟି ଗାଁ ଏବେ ଜଳ ଘେରରେ । ହୀରାକୁଦ ଗେଟ୍ ଖୋଲିବା ପରେ ବନ୍ୟାଜଳ ଦୟାନଦୀ ଦେଇ ପ୍ରବାହିତ ହେଉଛି । ଏହି ବନ୍ୟାଜଳ ବର୍ତ୍ତମାନ ଦୟାନଦୀର ଶାଖା ନଦୀ ରାଜୁଆ ନଦୀରେ ମଧ୍ୟ ପ୍ରବାହିତ ହେଉଛି । ଯାହା ଫଳରେ 10ଟି ଗାଁର ଲୋକେ ଏବେ ଜଳଘେରରେ ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ବନ୍ୟାଜଳ ବର୍ତ୍ତମାନ ଡିହଖଳା, ହିରିମୁଳୁ, ଦୁର୍ଗାପୁର, ଓରାମି ମାନପୁର,କୃଷ୍ଣପୁର ଗାଁରେ ପ୍ରବେଶ କରିଛି । ବନ୍ୟା ପାଣି ଯୋଗୁଁ ଲୋକେ ଏକ ପ୍ରକାର ଘେରାବନ୍ଦୀ ହୋଇ ରହିଥିବାବେଳେ ପ୍ରଶାସନ ପକ୍ଷରୁ ଆବଶ୍ୟକୀୟ ସୁବିଧା ସୁଯୋଗ ଯୋଗାଇ ଦିଆଯାଇଛି ।
ପ୍ରଶାସନ ପକ୍ଷରୁ ଲୋକଙ୍କ ପାଇଁ ଡଙ୍ଗା ସହ ରନ୍ଧା ଖାଦ୍ୟର ମଧ୍ୟ ବ୍ୟବସ୍ଥା କରାଯାଇଛି । ସବୁ ପରିସ୍ଥିତିର ମୁକାବିଲା ପାଇଁ ପ୍ରଶାସନ ପ୍ରସ୍ତୁତ ଥିବା କହିଛନ୍ତି ଖୋର୍ଦ୍ଧା ଅତିରିକ୍ତ ଜିଲ୍ଲାପାଳ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
