ଖୋର୍ଦ୍ଧା : ଚାଷୀ କମିଟିକୁ କୌଣସି ତଥ୍ୟ ନ ଦେଇ ଅନ୍ଧାରରେ ରଖୁଛନ୍ତି ସମବାୟ ସମ୍ପାଦକ । ସମ୍ପାଦକଙ୍କୁ ମଣ୍ଡି ବିଷୟରେ ପଚାରିଲେ କରୁଛନ୍ତି ଚାଷୀଙ୍କୁ ଅସଭ୍ୟ ଭାଷାରେ କରୁଛନ୍ତି ଗାଳି ଗୁଳଜ । ଏଭଳି ସଙ୍ଗୀନ ଅଭିଯୋଗ ଆସିଛି ଖୋର୍ଦ୍ଧା ଜିଲ୍ଲା ବୋଲଗଡ଼ର ଗର୍ଭଣୀପଡା ସେବା ସମବାୟ ସମିତିରୁ ।
ଏହାବି ପଢନ୍ତୁ:ସଂକ୍ରମଣ କମୁଛି ସତର୍କ ରୁହ: ସ୍ବାସ୍ଥ୍ୟ ନିର୍ଦ୍ଦେଶକ
ସୂଚନା ଅନୁଯାୟୀ, ଖୋର୍ଦ୍ଧା ଗର୍ଭଣୀପଡା ସମିତିରେ ଚାଷୀର ଧାନ ଉଠୁ ନଥିବା କାରଣରୁ ଚାଷୀ ଚିନ୍ତାରେ ରହିଥିବାବେଳେ ଏବେ ସମିତି ସମ୍ପାଦକ ଚାଷୀଙ୍କୁ କୌଣସି ତଥ୍ୟ ଦେଉନ ଥିବା ଅଭିଯୋଗ ହୋଇଛି । ସେହିପରି ଧାନ ମଣ୍ଡିରେ ମିଲର ଏବଂ ସମ୍ପାଦକ ମିଶି କ୍ୱିଣ୍ଟାଲ ପିଛା ସାତ କେଜି ଧାନ କାଟୁଥିବା କାରଣରୁ ଚାଷୀ କ୍ଷତି ସହୁଛି । ଆଜି ଏ ସମ୍ପର୍କରେ ସମ୍ପାଦକଙ୍କୁ ଏ ସମ୍ପର୍କରେ ପଚାରିବାରୁ ଚାଷୀଙ୍କୁ ଅସଭ୍ୟ ଭାଷାରେ ଗାଳି କରିଥିବା ଅଭିଯୋଗ କରିଛନ୍ତି ଚାଷୀ । ତୁରନ୍ତ ସମ୍ପାଦକଙ୍କୁ ବହିଷ୍କାର ଓ ମଣ୍ଡି ଖୋଲିବା ଦାବିରେ ସମିତି ସମୁଖରେ ଶତାଧିକ ଚାଷୀ ଧାରଣାରେ ବସିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
