କଳିଙ୍ଗନଗର ପରେ ଖୋର୍ଦ୍ଧାରେ ଏନକାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ଜାମସେଦ ଗୁରୁତର

ଖୋର୍ଦ୍ଧା ରାମେଶ୍ବର ଅଞ୍ଚଳରେ ପୋଲିସର ଏନକାଉଣ୍ଟର । ଦୁର୍ଦ୍ଦାନ୍ତ ଅପରାଧୀ ଜାମସେଦ୍‌ ସାହ ଗୁରୁତର । ଜାମସେଦର ବାମ ଗୋଡରେ ଗୁଳି ବାଜିଥିବାବେଳେ 6 ପୋଲିସ କର୍ମୀ ଆହତ ହୋଇଛନ୍ତି ।

ଖୋର୍ଦ୍ଧା: ଖୋର୍ଦ୍ଧା ରାମେଶ୍ବର ଅଞ୍ଚଳରେ ପୋଲିସର ଏନକାଉଣ୍ଟର । ଏଥିରେ ଦୁର୍ଦ୍ଦାନ୍ତ ଅପରାଧୀ ଜାମସେଦ୍‌ ସାହ ଗୁରୁତର ହୋଇଛି । ଜାମସେଦର ବାମ ଗୋଡରେ ଗୁଳି ବାଜିଛି । ଚିକିତ୍ସା ପାଇଁ ତାକୁ ଭୁବନେଶ୍ବରକୁ ସ୍ଥାନାନ୍ତର କରାଯାଇଛି । ତା' ଘର ନିରାକାରପୁର ଖଜୁରିଆ ବୋଲି ଜଣାପଡିଛି ।

ଟାଙ୍ଗି ଓ ନିରାକାରପୁର ପୋଲିସ ଜାମେସଦ ଉପରକୁ ଏନକାଉଣ୍ଟର କରିଥିଲା । ପ୍ରତିବଦଳରେ ଜାମସେଦ ପୋଲିସ ଉପରକୁ ବୋମା ମାଡ କରିଥିଲା । ବୋମା ମାଡରେ 6 ପୋଲିସ କର୍ମୀ ଆହତ ହୋଇଛନ୍ତି । ତା' ନାଁରେ ଏକାଧିକ ଅପରାଧିକ ମାମଲା ଥିବା ସୂଚନା ରହିଛି ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ