ଖୋର୍ଦ୍ଧା: ସାରୁଅ ଶିଳ୍ପାଞ୍ଚଳରେ ପୋଖରୀ ଖୋଳାକୁ ନେଇ ହୋଇଥିବା ଅଘଟଣ ଓ ପରେ ଉଭୟ ବାଘମାରୀ ଥାନା ଓ ଖୋର୍ଦ୍ଧା ଥାନାରେ ମାମଲା ଘଟଣାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଯେଉଁଥିରେ ସାରୁଅ ଶିଳ୍ପାଞ୍ଚଳରେ ପୋଖରି ଖୋଳାକୁ ବିରୋଧକରି କିଛି ଅସାମାଜିକ ଯୁବକ ଏକ ଜେସିବିରେ ରାସ୍ତା ଖୋଳିବାକୁ ଚେଷ୍ଟା କରୁଥିଲେ ।
ପୋଖରୀ ଖୋଳାକୁ ନେଇ ବିବାଦ, ଥାନାରେ ମାମଲା
ତେବେ ରାସ୍ତା ଖୋଳାକୁ ପ୍ରତିବାଦ କରିବାରୁ ଉଭୟଙ୍କ ମଧ୍ୟରେ ସଂଘର୍ଷ ହୋଇଥିଲା । ଯେଉଁଥିରେ ବେଗୁନିଆ କଂଗ୍ରେସ ବିଧାୟକ ପାର୍ଥୀ ପ୍ରଦୀପ ସାହୁଙ୍କୁ ମଧ୍ୟ ଆକ୍ରମଣର ଶିକାର ହୋଇଥିବାର ଅଭିଯୋଗ ହୋଇଛି । ସେହିପରି ଖୋର୍ଦ୍ଧା ଟାଉନ ଥାନା କୁମାରବସ୍ତ ଗ୍ରାମର ରସ୍ମିତା ପାତ୍ରଙ୍କ ସ୍ବାମୀଙ୍କ ଉପରକୁ ମରଣାତ୍ମକ ଆକ୍ରମଣ ହୋଇଥିବାର ଅଭିଯୋଗ ହୋଇଛି । ଏହି ଘଟଣାରେ ସମ୍ପୃକ୍ତ ଥିବା ଅଭିଯୁକ୍ତଙ୍କୁ ଗିରଫ କରିବାକୁ ଦାବି ହୋଇଛି । ଅନ୍ୟପଟେ ଏହି ଘଟଣାର ତଦନ୍ତ ଉଭୟ ବାଘମାରୀ ଓ ଖୋର୍ଦ୍ଧା ଡାଉନ ପୋଲିସ କରୁଥିବାର ସୂଚନା ଦେଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
