ଖୋର୍ଦ୍ଧା: ଗୋ-ସୁରକ୍ଷା ଦାତା ପାଲଟିଲେ ଗୋ ଚାଲାଣକାରୀ । ସୂଚନା ଅନୁଯାୟୀ ଗତ ଏପ୍ରିଲ 14 ତାରିଖରେ ବେଗୁନିଆ ଥାନା ଅଞ୍ଚଳରୁ ଗୋଚାଲାଣ ହେଉଥିବା ଖବରପାଇ ବେଗୁନିଆ ଥାନା ଅଧିକାରୀ ସେଠାରେ ଚଢାଉ କରି ଗୋରୁ ଜବତ କରି ଛାଡିଦେଇଥିଲେ । କିନ୍ତୁ ସେହି ଗୋରୁଙ୍କୁ ମଧ୍ୟରୁ 2ଟି ଗୋରୁଙ୍କୁ ପିପୁଲ୍ସ ଫର ଆନିମଲର କାର୍ଯ୍ୟକର୍ତ୍ତା ସନ୍ତୋଷ ଦାସଙ୍କ ଜିମା ଦେଇଥିଲେ ଗୋଶାଳାରେ ଛାଡିବା ପାଇଁ ।
ଗୋ-ସୁରକ୍ଷା ଦାତା ପାଲଟିଲେ ଗୋ ଚାଲାଣକାରୀ
ହେଲେ ସନ୍ତୋଷ ଅତି କୌଶଳର ସହ ଥାନ ଅଧିକାରୀ ଜିମା ଦେଇଥିବା ଧଳା ରଙ୍ଗର 2ଟି ସୁସ୍ଥ ଗୋରୁଙ୍କୁ ବଦଳାଇ ଦୁଇଟି ରୋଗଗ୍ରସ୍ତ ଗୋରୁଙ୍କୁ ଭୁବନେଶ୍ୱରର ସିଜୁଆ ସ୍ଥିତ ଗୋଶାଳାରେ ଛାଡି ଥିଲା । ଏହା ବିରୁଦ୍ଧରେ ଅଭିଯୋଗ ପରେ ପୋଲିସ ଘଟଣାର ତଦନ୍ତ କରି ଆଜି(ଗୁରୁବାର) ସନ୍ତୋଷଙ୍କୁ ଗିରଫ କରି କୋର୍ଟଚାଲାଣ କରିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
