ଭୁବନେଶ୍ବର: ଏସିଆନ ଗେମ୍ସ ପାଇଁ ଯୋଗ୍ୟ ବିବେଚିତ ଓଡିଆ ଆଥଲେଟଙ୍କ ପାଇଁ ସହାୟତା ରାଶି ଘୋଷଣା ହୋଇଛି । ରାଜ୍ୟରୁ ଏସିଆନ ଗେମ୍ସ ପାଇଁ ମନୋନୀତ 13 ଜଣ ଆଥଲେଟଙ୍କୁ ଆର୍ଥିକ ସହାୟତା ରାଶି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପ୍ରତି ଆଥଲେଟଙ୍କୁ 10 ଲକ୍ଷ ଟଙ୍କା ଲେଖାଏଁ ସହୟତା ଘୋଷଣା ହୋଇଛି । ଆସନ୍ତା 23 ତାରିଖରୁ ଅକ୍ଟୋବର 8 ତାରିଖ ଯାଏ ଚୀନରେ ଏସିଆନ ଗେମ୍ସ ଅନୁଷ୍ଠିତ ହେବ । ଟ୍ରେନିଂ, ପ୍ରସ୍ତୁତି ଓ ଅଂଶଗ୍ରହଣ ପାଇଁ ସହୟତା ରାଶି ଘୋଷଣା ହୋଇଛି ।
ସମ୍ମାନଯୋଗ୍ୟ ଏସିଆନ ଗେମ୍ସ ଟୁର୍ଣ୍ଣାମେଣ୍ଟରେ ମନୋନୀତ 13 ଓଡିଆ ଆଥଲେଟ ହେଲେ, ଜାଭେଲିନ ଫିଙ୍ଗାଳୀ କିଶୋର ଜେନା, ରୋଇଂରେ ଅଶିଂକା ଭାରତୀ, ରିତୁ କାଉଡି ଏବଂ ସୋନାଲ ସ୍ବାଇଁ । ମାର୍ସଲ ଆର୍ଟ ଜୁ-ଜିତସୁରେ ଅନୁପମା ସ୍ବାଇଁ, କୋନୋଇିଂରେ ନେହା ଦେବୀ, ଫୁଟବଲରେ ପ୍ୟାରୀ ଏକ୍ସା ଯୋଗ୍ୟ ବିବେଚିତ ହୋଇଛନ୍ତି । ସେହିପରି ହକିରେ ଦୀପଗ୍ରେସ ଏକ୍କା ଓ ପୁରୁଷ ହକି ଦଳରେ ଅମିତରୋହି ଦାସ ମନୋନୀତ ହୋଇଛନ୍ତି । ରଗବୀରେ ଡୁମିଣି ମାର୍ଣ୍ଡି, ତରୁଲତା ନାଏକ, ମାମା ନାଏକ ହୁପି ମାଝୀ ଓଡିଆ ଆଥଲେଟ ରହିଛନ୍ତି ।
ସମସ୍ତଙ୍କୁ ଶୁଭେଚ୍ଛା ଜଣାଇବା ସହ ଏସିଆନ ଗେମ୍ସରେ ଉନ୍ନତ ଶ୍ରେଷ୍ଠ ଖେଳ ପ୍ରଦର୍ଶନ କରିବେ ବୋଲି ଆଶା ରଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆଥଲେଟମାନେ ଗେମରେ ସେମାନଙ୍କ ଦକ୍ଷତା ଦେଖାଇବେ । ଏହି ସହାୟାତ ରାଶି ସେମାଙ୍କ ପ୍ରସ୍ତୁତି ଓ ପ୍ରଶିକ୍ଷଣ ଦିଗରେ ସହାୟକ ହେବ ବୋଲି କହିଛନ୍ତି ମୁଖ୍ୟମନ୍ତ୍ରୀ ।
ଏହା ବି ପଢନ୍ତୁ...Asia Cup 2023 Ind vs SL: ୧୭୨ରେ ଅଟକିଲା ଶ୍ରୀଲଙ୍କା, ଫାଇନାଲରେ ଭାରତ
ପ୍ରକାଶ ଥାଉ କି, ଗତକାଲି (ମଙ୍ଗଳବାର) ଏସିଆନ ଗେମ୍ସ ପାଇଁ ଗତକାଲି ଭାରତୀୟ ରଗବୀ ଦଳ ଘୋଷଣା ହୋଇଥିଲା । ଏଥିରେ ଓଡିଶାରୁ 4 ଜଣ ଖେଳାଳି ରହିଛନ୍ତି । ସେମାନେ ହେଲେ ଡୁମିଣି ମାର୍ଣ୍ଡି, ତରୁଲତା ନାଏକ, ମାମା ନାଏକ ଓ ହୁପି ମାଝୀ । ଏସିଆନ ଗେମ୍ସରେ ବିଭିନ୍ନ ଇଭେଣ୍ଟରେ ମୋଟ 13ଜଣ ଖେଳାଳି ଚୟନ ହୋଇଛନ୍ତି । ଆସନ୍ତା 23 ତାରିଖରୁ ଅକ୍ଟୋବର 8 ତାରିଖ ଯାଏ ଚୀନରେ ଏସିଆନ ଗେମ୍ସ ଅନୁଷ୍ଠିତ ହେବ । ରାଜ୍ୟ କ୍ରୀଡାବିତଙ୍କୁ ପ୍ରୋତ୍ସାହନ ରାଶି ଘୋଷଣା ସେମାନଙ୍କ ଉତ୍ସାହ ବଢାଇବ ।
ଇଟିଭି ଭାରତ, ଭୁବନେଶ୍ବର
