ଖୋର୍ଦ୍ଧା: ଆଜି ଚିଲିକାରେ ପକ୍ଷୀ ଗଣନା କରାଯିବ । ଏନେଇ ଆଜି ଚିଲିକା ଉନ୍ନୟନ କର୍ତ୍ତୃପକ୍ଷଙ୍କ କାର୍ଯ୍ୟାଳୟରେ ବନ୍ୟପ୍ରାଣୀ ବିଭାଗ ତରଫରୁ ପକ୍ଷୀ ଗଣନା ସଂପର୍କରେ ଏକ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି ।
ଏହି ପ୍ରଶିକ୍ଷଣ ଶିବିରରେ ବମ୍ବେ ନାଚୁରାଲ ହିଷ୍ଟ୍ରି ସୋସାଇଟି ଅଧିକାରୀ, ବନ୍ୟପ୍ରାଣୀ ବିଭାଗର କର୍ମଚାରୀ, ପକ୍ଷୀ ବିଶେଷଜ୍ଞ, ବନ୍ୟପ୍ରାଣୀ ଉପରେ କାମ କରୁଥିବା ସାମାଜିକ ସଂଗଠନର ଅଭିଜ୍ଞ ବ୍ୟକ୍ତିମାନେ ଯୋଗଦେଇ ପକ୍ଷୀ ଗଣନା ସଂପର୍କରେ ପ୍ରଶିକ୍ଷଣ ନେଇଛନ୍ତି । ଆସନ୍ତା କାଲି ସକାଳ ୬ ଠାରୁ ମଧ୍ୟାହ୍ନ ୧୨ ଘଟିକା ପର୍ଯ୍ୟନ୍ତ ପକ୍ଷୀ ଗଣନା ଚାଲିବ ।
ଗତ ୨୦୧୭ ମସିହାରେ ୯ଲକ୍ଷ ୪୭ ହଜାର ୧୧୯ଟି ପକ୍ଷୀ ଆସିଥିବାବେଳେ ସେଥିରେ ୧୬୧ ପ୍ରଜାତିର ପକ୍ଷୀ ରହିଥିଲେ । ସେହିପରି ୨୦୧୮ ମସିହାରେ ୮ଲକ୍ଷ ୯୩ହଜାର ୩୯୦ଟି ପକ୍ଷୀ ଆସିଥିବା ବେଳେ ତାମଧ୍ୟରେ ୧୪୭ ପ୍ରଜାତିର ପକ୍ଷୀ ରହିଥିଲେ । ୨୦୧୯ ରେ ମୋଟ ୧୦ଲକ୍ଷ ୪୭ହଜାର ୯୬୮ଟି ପକ୍ଷୀ ଆସିଥିବା ବେଳେ ୧୮୧ ପ୍ରଜାତିର ପକ୍ଷୀ ଆସିଥିବା ସୂଚନା ମିଳିଛି । ପ୍ରତିବର୍ଷ ଜାନୁଆରୀ ପ୍ରଥମ ସପ୍ତାହରେ ଚିଲିକାରେ ରାଜ୍ୟ ସରକାରଙ୍କ ତରଫରୁ ପକ୍ଷୀ ଗଣନା କରାଯାଇଥାଏ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
