ଖୋର୍ଦ୍ଧା : ନିଶା ବେପାରୀଙ୍କ ଆଡ୍ଡା ପାଲଟିଛି ଖୋର୍ଦ୍ଧା ଏବଂ ଏହାର ଆଖପାଖ ସହର । ଦିନକୁ ଦିନ ନିଶା କାରବାର ଏହି ଅଞ୍ଚଳରେ ବଢୁଥିବା ବେଳେ ବେପାରୀ ମାନଙ୍କୁ ଧରି ଜେଲ ପଠାଉଛି ପୋଲିସ ଓ ଅବକାରୀ ବିଭାଗ ।
ଖୋର୍ଦ୍ଧାରେ 706 ଗ୍ରାମ ବ୍ରାଉନସୁଗାର ଜବତ, ଦୁଇ ଗିରଫ
କୌଣସିସୂତ୍ରରୁ ଖବର ପାଇ କ୍ୟୁଏଟିର ଏକ ଟିମ ଓ ଜଟଣୀ ପୋଲିସ ବଡ଼ରଘୁନାଥପୁରର ଇନଫଭ୍ୟାଲି ଅଞ୍ଚଳରେ ଚଢ଼ାଉ କରି ଦୁଇଜଣ ନିଶା ବେପାରୀଙ୍କୁ ଗିରଫ କରିଛି । ସେମାନଙ୍କ ଠାରୁ 706ଗ୍ରାମ ବ୍ରାଉନସୁଗାର,ସେମାନେ ବ୍ୟବହାର କରୁଥିବା ଗୋଟିଏ କାର ,ସ୍କୁଟି ଓ ନଗଦ 1 ହଜାର 820 ଟଙ୍କା ଜବତ କରିଛି । ଗିରଫ ଅଭିଯୁକ୍ତ ଦ୍ବୟ ଖୋର୍ଦ୍ଧା ଜିଲ୍ଲା ଜଙ୍କିଆ ଥାନା ଅନ୍ତର୍ଗତ ନରଣଗଡ଼ ଅଂଚଳର ସୌମ୍ୟ ରଞ୍ଜନ ବାଲିଆରସିଂ ଓ ରଞ୍ଜିତ କୁମାର ନାୟକ ବୋଲି ଜଣାପଡିଛି । ଜବତ ବ୍ରାଉନସୁଗାରର ମୁଲ୍ୟ ଲକ୍ଷାଧିକ ଟଙ୍କା ହେବ ବୋଲି ଜଣାପଡିଛି ।
ଖୋର୍ଦ୍ଧାରୁ ଗୋବିନ୍ଦଚନ୍ଦ୍ର ପଣ୍ଡା, ଇଟିଭି ଭାରତ
