ଖୋର୍ଦ୍ଧା: ଜିଲ୍ଲାର ଏଜୁକେସନ ହବ କୁହାଯାଉଥିବା ଜଟଣୀ ସହରକୁ ଏବେ ଧଳା ଜହରର ଭୟ ଘାରିଛି । ଜଟଣୀରେ ଜାତୀୟ ଓ ଅନ୍ତର୍ଜାତୀୟ ସ୍ତରର ଶିକ୍ଷାନୁଷ୍ଠାନ ଓ ଗବେଷଣା କେନ୍ଦ୍ର ଗଢି ଉଠିଥିବାବେଳେ ଏଠାରେ ବ୍ରାଉନସୁଗାର କବଜାରେ ଯୁବପିଢ଼ି ।
ଲକ୍ଷାଧିକ ଟଙ୍କାର ବ୍ରାଉନସୁଗାର ଜବତ: ଦୁଇ ଗିରଫ
ବୁଧବାର ଖୁଦୁପୁରରୁ ଆଇଆଇଟି ରାସ୍ତାରେ ଚଢ଼ାଉ କରି 35 ଗ୍ରାମ ବ୍ରାଉନସୁଗାର ଜବତ କରିବା ସହ ଦୁଇ ବେପାରୀଙ୍କୁ ଗିରଫ କରିଛି ଜଟଣୀ ପୋଲିସ। ପୋଲିସ ସେମାନଙ୍କ ଠାରୁ 2ଟି ମୋଟର ସାଇକେଲ, ନଗଦ 300 ଟଙ୍କା ଏବଂ ଗୋଟିଏ ମୋବାଇଲ ଜବତ କରିଛି । ଗିରଫ ଦୁଇଜଣ ଖୋର୍ଦ୍ଧାର ଦିଲ୍ଲୀପ ହରିଚନ୍ଦନ ଓ ଏମଡି ସକାବତ।
ତେବେ ଅଭିଯୁକ୍ତମାନେ କେଉଁଠାରୁ ବ୍ରାଉନସୁଗାର ଆଣି ଏଠାରେ ବେପାର କରୁଥିଲେ ସେନେଇ ତଦନ୍ତ ଜାରି ରଖିଛି ପୋଲିସ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
