ଖୋର୍ଦ୍ଧା: ଲାଞ୍ଚ ନେଇ ଧରାପଡିଲେ ବୋଲଗଡ ବ୍ଳକର ଜିପିଇଓ ସେକ୍ସନରେ କାର୍ଯ୍ୟ କରୁଥିବା ପ୍ରଶାନ୍ତ କୁମାର ମହାପାତ୍ର । ବିବାହ ପ୍ରମାଣପତ୍ର କରାଦେବାକୁ କହି ୩ ହଜାର ଟଙ୍କା ଲାଞ୍ଚ ନେଉଥିବା ବେଳେ ଖୋର୍ଦ୍ଧା ଭିଜିଲାନ୍ସ ହାତରେ ଧରାପଡିଛନ୍ତି। ସୂଚନା ଥାଉକି, ଖୋର୍ଦ୍ଧା ଜିଲା ବୋଲଗଡ଼ ବ୍ଲକ ଖଙ୍ଗୁରିଆ ପଞ୍ଚାୟତର ବିକାଶ କୁମାର ସ୍ଵାଇଁ ଏବଂ ତାଙ୍କ ଝିଆରୀ ଓ ମାଉସୀ ଝିଅ ଦୁଇଜଣଙ୍କର ବିବାହ ପ୍ରମାଣ ପତ୍ର ଆବଶ୍ୟକ ଥିଲା।
ତେବେ ବ୍ଳକ କର୍ମଚାରୀ ପ୍ରଶାନ୍ତ କୁମାର ମହାପାତ୍ର ଏହା କରାଇଦେବାକୁ କହି ୩ ହଜାର ଟଙ୍କା ଲାଞ୍ଚ ନେଉଥିଲେ। ଏହି ସମୟରେ ଖୋର୍ଦ୍ଧା ଭିଜିଲାନ୍ସ ଟିମ ହାତରେ ଧରାପଡିଥିଲେ । ଘଟଣା ସ୍ଥଳରେ ଭିଜିଲାନ୍ସ ବିଭାଗ ପ୍ରଶାନ୍ତଙ୍କୁ ଗିରଫ କରିଥିବା ସୂଚନା ମିଳିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା,ଇଟିଭି ଭାରତ
