ଖୋର୍ଦ୍ଧା: ଜିଲ୍ଲାରେ ଉଦଘାଟିତ ହୋଇଯାଇଛି ବିଜୁ ପ୍ରିମିୟର ଲିଗ । ଯୁବ-ଛାତ୍ର ଜନତା ଦଳ ଆନୁକୂଲ୍ୟରେ ବିଜେବି ହାଇସ୍କୁଲ ଖେଳ ପଡ଼ିଆଠାରେ ଆଜିଠାରୁ ୨୪ ମାର୍ଚ୍ଚ ପର୍ଯ୍ୟନ୍ତ ଅନୁଷ୍ଠିତ ହେବ ବିଜୁ ପ୍ରିମିୟରର ଲିଗ ।
ଏହି ଉତ୍ସବରେ ପ୍ରଣବ ବଳବନ୍ତରାୟ ମୁଖ୍ୟ ଅତିଥି ଭାବେ ଯୋଗଦେଇ ମ୍ୟାଚର ଉଦଘାଟନ କରିବା ସହ ସମଗ୍ର ରାଜ୍ୟର ବିଜୁପ୍ରେମୀଙ୍କ ମଧ୍ୟରେ ଭାଇଚାରା ଓ ସଦ୍ଭାବନା ବଜାୟ ରଖିବାରେ ଏହି ଭଳି ମ୍ୟାଚ ଗୁରୁତ୍ୱପୂର୍ଣ୍ଣ ବୋଲି କହିଛନ୍ତି । ଏହା ସହିତ ଅନ୍ୟତମ ଅତିଥି ଭାବେ ବ୍ୟୋମକେଶ ରାୟ, ରାଜ୍ୟ ବିଜୁ ମହିଳା ସମ୍ପାଦିକା ଏଲିନା ସାମନ୍ତରାୟ ଯୋଗ ଦେଇଥିଲେ। ଏହି ପ୍ରିମିୟର ଲିଗ ପାଇଁ ବୌଦ୍ଧ, ନୟାଗଡ଼, ଗଞ୍ଜାମ, ପୁରୀ ଓ ଭୁବନେଶ୍ଵର ସମେତ ଖୋର୍ଦ୍ଧାର ଯୁବ ଓ ଛାତ୍ର ବିଜୁ ଜନତା ଦଳରୁ ମନୋନୀତ ହୋଇଥିବା ଖେଳାଳିମାନଙ୍କ ମଧ୍ୟରେ ଅନୁଷ୍ଠିତ ହେବ ବୋଲି ଜଣାପଡିଛି ।
ପ୍ରାରମ୍ଭିକ ଉତ୍ସବରେ ଆୟୋଜିତ ହୋଇଥିବା ସାଂସ୍କୃତିକ କାର୍ଯ୍ୟକ୍ରମରେ ଓଡ଼ିଶାର ସୁନାମଧନ୍ୟ କଣ୍ଠଶିଳ୍ପୀ ହ୍ୟୁମାନ ସାଗର ତାଙ୍କ ସହଯୋଗୀଙ୍କୁ ନେଇ ଉକ୍ତ କାର୍ଯ୍ୟକ୍ରମରେ ସଙ୍ଗୀତ ପରିବେଷଣ କରିଛନ୍ତି । ଆସନ୍ତା 24 ତାରିଖରେ ବିଜୁ ପ୍ରିମିୟରର ଲିଗ ଉଦଯାପିତ ହେବ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
