ଖୋର୍ଦ୍ଧା: ଜୁଆ ଆଡ୍ଡା ଉପରେ ଚଢ଼ାଉ କରି 4 ଜଣ ଜୁଆଡ଼ିଙ୍କୁ ଗିରଫ କରିଛି ବାଣପୁର ପୋଲିସ । ଜୁଆଡିଆଙ୍କଠାରୁ ପୋଲିସ ନଗଦ ଟଙ୍କା, ମୋବାଇଲ ଏବଂ ବାଇକ ଜବତ କରିଛି l
ସୋମବାର ରାତି ୮ଟାରେ ପୂର୍ବ ସୂଚନା ଅନୁଯାୟୀ ବାଣପୁର ଆଇଆଇସି ସଞ୍ଜୟ ପଟ୍ଟନାୟକଙ୍କ ନେତୃତ୍ବରେ ଏସଆଇ ବିଜୟ ମଲ୍ଲିକ, ପ୍ରସନ୍ନ ଜେନା ଏବଂ ରାଜକିଶୋର ବେହେରା ମିଳିତ ଭାବେ ପଲଟନ ପଡିଆ ଟିକିରାଇ ମନ୍ଦିର ସମ୍ମୁଖରେ ଥିବା ବିଲ ମଧ୍ୟରେ ଚାଲିଥିବା ଜୁଆ ଆଡ୍ଡା ଉପରେ ଅତର୍କିତ ଚଢ଼ାଉ କରିଥିଲେ ।
ଚଢ଼ାଉ ସମୟରେ ପୋଲିସ ଚାରି ଜଣ ଜୁଆଡ଼ିଙ୍କୁ ଗିରଫ କରିବା ସହ ତାଙ୍କ ନିକଟରୁ ୫୮୦୦ ନଗଦ ଟଙ୍କା, ଗୋଟେ ବାଇକ, ୩ଟି ମୋବାଇଲ ଏବଂ ତାସ ପାଲି ଜବତ କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
