ଖୋର୍ଦ୍ଧା: ସରକାରୀ ବାବୁଙ୍କ ଖାମଖିଆଲ ନୀତି ଯୋଗୁ ଗ୍ରାମାଞ୍ଚଳରେ ସଠିକ ଢଙ୍ଗରେ ଚାଲି ପାରୁନି ଅଙ୍ଗନବାଡ଼ି । ଖୋର୍ଦ୍ଧା ଜିଲ୍ଲା ବୋଲଗଡ ବ୍ଳକ ଅସରଳା ପଞ୍ଚାୟତରେ ଏହାର ଏକ ଜ୍ବଳନ୍ତ ଉଦାହରଣ ଦେଖିବାକୁ ମିଳିଛି । ଏଠାରେ ଅଙ୍ଗନବାଡ଼ି ଗୃହ ନଥିବାରୁ ପିଲାଏ ସ୍କୁଲ୍ ବାରଣ୍ଡାରେ ବସି ପାଠ ପଢ଼ିବାକୁ ବାଧ୍ୟ ହେଉଛନ୍ତି ।
ସରୁନି ଅଙ୍ଗନବାଡ଼ି ଗୃହ ନିର୍ମାଣ କାର୍ଯ୍ୟ, ସ୍କୁଲ ବାରଣ୍ଡାରେ ପାଠ ପଢୁଛନ୍ତି କୁନିକୁନି ଛୁଆ
ମାଆ ଓ ଶିଶୁର ସୁରକ୍ଷା ଏବଂ ଯତ୍ନ ପାଇଁ ରାଜ୍ୟ ସରକାର କାର୍ଯ୍ୟକାରୀ କରିଛନ୍ତି ଶିଶୁ ବିକାଶ ଯୋଜନା । ଏହି ଯୋଜନାରେ ୫ବର୍ଷ ଶିଶୁମାନଙ୍କ ପାଇଁ ପ୍ରାକ୍ ବିଦ୍ୟାଳୟ ଶିକ୍ଷା ମାଧ୍ୟମରେ ଅକ୍ଷର ଚିହ୍ନିବା ଏବଂ ଶାରୀରିକ ସ୍ବାସ୍ଥ୍ୟ ପାଇଁ ପୁଷ୍ଟିକର ଖାଦ୍ୟ ଯୋଗାଇବାକୁ ସରକାର ଅଙ୍ଗନବାଡ଼ି କେନ୍ଦ୍ର ଆରମ୍ଭ କରିଥିଲେ । ପକ୍କା ଘରେ ଅଙ୍ଗନବାଡ଼ି କେନ୍ଦ୍ର ବ୍ୟବସ୍ଥା ପାଇଁ କେନ୍ଦ୍ର ସରକାରଙ୍କ ପାଣ୍ଠି ଆସୁଛି ଅନୁଦାନ । ହେଲେ ଏହି ଅନୁଦାନର ସଠିକ ବ୍ୟବହାର ହେଉନଥିବା ଅଭିଯୋଗ ହୋଇଛି ।
