ଭୁବନେଶ୍ବର: ବିବାଦ ପରେ ହଲରୁ ହଟିଲା ଫିଲ୍ମ "ପ୍ରିୟେ ତୁ ମୋ ସିଏ"। ଫିଲ୍ମ ରିଲିଜ୍ ହେବା ଦିନଠୁ ବିବାଦରେ ଛନ୍ଦି ହୋଇଛି । ଫିଲ୍ମରେ ଜାତିଆଣ ଆକ୍ଷେପକୁ ନେଇ ଅନେକ ସଂଳାପ କୁହାଯାଇଛି । ଯାହାକୁ ନେଇ ଫିଲ୍ମକୁ କଡ଼ା ସମାଲୋଚନାର ଶିକାର ହୋଇଛି ଫିଲ୍ମ । ଫିଲ୍ମକୁ ବ୍ୟାନ କରିବାକୁ ଦାବି ହୋଇଛି। କେବଳ ଏତିକି ନୁହେଁ ଏଭଳି ସଂଳାପକୁ ନେଇ ପ୍ରଯୋଜକ ଓ ଅଭିନେତ୍ରୀଙ୍କ ନାଁରେ ମଧ୍ୟ ମାମଲା ରୁଜୁ କରାଯାଇଛି।
ଜୁନ୍ ୨୯ରେ ରିଲିଜ କରିଥିବା 'ପ୍ରିୟେ ତୁମୋ ସିଏ’ ଫିଲ୍ମରେ ଜାତିଆଣ ଆକ୍ଷେପ କରାଯାଇଥିବା ଅଭିଯୋଗରେ ବିଭିନ୍ନ ମହଲରୁ ନିନ୍ଦା କରାଯାଇଛି । ଏନେଇ ଫିଲ୍ମର ପ୍ରଯୋଜକ ଝିଲ୍ଲିକ ଭଟ୍ଟାଚାର୍ଯ୍ୟ ଏବଂ ଅଭିନେତ୍ରୀ ଏଲିନା ସାମନ୍ତରାୟଙ୍କ ନାଁରେ ରାଜଧାନୀ ସମେତ ରାଜ୍ୟର ବିଭିନ୍ନ ଥାନାରେ ଅନୁସୂଚିତ ଜାତିର କର୍ମକର୍ତା ମାନେ ମାମଲା ରୁଜୁ କରିଥିଲେ । ଜାତିଆଣ ଆକ୍ଷେପ କରୁଥିବା ଏହି ଓଡ଼ିଆ ଫିଲ୍ମକୁ ଶୀଘ୍ର ହଲରୁ ଉଠାଇବା ପାଇଁ ବି ଦାବି କରିଥିଲେ । ବାଦ ବିବାଦ ପରେ ବର୍ତ୍ତମାନ ଏହି ଫିଲ୍ମକୁ ସିନେମାହଲରୁ ଉଠାଇବା ପାଇଁ ନିଷ୍ପତି ନେଇଛନ୍ତି ପ୍ରଯୋଜନା ସଂସ୍ଥା ।
ଏହା ମଧ୍ୟ ପଢନ୍ତୁ: ସିଲଭର ସ୍କ୍ରିନରେ ଅମ୍ଲାନ-ଏଲିନାଙ୍କ ରୋମାନ୍ସ, ରିଲିଜ ହେଲା ଫିଲ୍ମ ‘ପ୍ରିୟେ ତୁ ମୋ ସିଏ’
ତେବେ ଘଟଣା ନେଇ ପ୍ରତିକ୍ରିୟା ରଖିଛନ୍ତି ଫିଲ୍ମର ନିର୍ଦ୍ଦେଶକ ସୁଧାଂଶୁ ମୋହନ ସାହୁ। ସେ କହିଛନ୍ତି, "ସିନେମାଟି 'ପ୍ରିୟେ ତୁ ମୋର ସିଏ'ର କିଛି କଥାକୁ ନେଇ କିଛି ଲୋକ ଅସନ୍ତୋଷ ବ୍ୟକ୍ତ କରିଛନ୍ତି । କୌଣସି ଜାତି ବା ବ୍ୟକ୍ତି ବିଶେଷଙ୍କୁ ନିମ୍ନ ଦେଖାଇବା କିମ୍ବା କାହା ମନରେ ଆଘାତ ଦେବା ଆମର ଉଦ୍ଦେଶ୍ୟ ନୁହେଁ କି ନ ଥିଲା । ଫିଲ୍ମଟି ସେନ୍ସର ବୋର୍ଡ଼ର ଅନୁମତି ପରେ ରିଲିଜ ହୋଇଛି । ଯଦି ଏହା କାହାକୁ ଦୁଃଖ ଓ ଆଘାତ ଦେଇଛି ଏବଂ କାହାକୁ ସମାଲୋଚିତ କରିଛି । ସେଥିପାଇଁ ଆମେ ଦୁଃଖିତ । ଆଉ ସେହି ସମସ୍ତ ବ୍ୟକ୍ତିଙ୍କୁ କ୍ଷମା ମାଗିବା ସହ ଓଡ଼ିଶାର ସମସ୍ତ ହଲ୍ରୁ ଆମ ସିନେମାକୁ ଉଠାଇଦେଉଛୁ ବୋଲି କହିଛନ୍ତି ସୁଧାଂଶୁ ।"
ସୂଚନା ଥାଉ କି, ଅଭିନେତା ଅମ୍ଲାନ ଦାସ ଏବଂ ଏଲିନା ସାମନ୍ତରାୟ ଏହି ଫିଲ୍ମ ସହ ପ୍ରଥମ ଥର ପାଇଁ ଏକାଠି ନଜର ଆସିଥିଲେ । ଏହି ଫିଲ୍ମ ଝିଲ୍ଲିକଙ୍କ ମୋସନ ପିକ୍ଚର୍ସର ଚତୁର୍ଥ ଅବଦାନ ରହିଥିଲା । ଏହି ଫିଲ୍ମରେ ଲଭ୍ କେମେଷ୍ଟ୍ରୀକୁ ନେଇ ହୋଇଛି ନୂଆ ଏକ୍ସପେରିମେଣ୍ଟ୍ କରାଯାଇଥିଲା । ଏଥିସହ ଫିଲ୍ମରେ ବଵି ମିଶ୍ର ଚୌଧୁରୀ ଜୟପ୍ରକାଶ ଦାସ, ଈଷା ବେବର୍ତ୍ତା, ସୋମା ଭୌମିକ, ଛନ୍ଦିତା ପାଢ଼ୀ ମଧ୍ୟ ମୁଖ୍ୟ ଭୂମିକାରେ ଅଭିନୟ କରିଛନ୍ତି ।
ଇଟିଭି ଭାରତ, ଭୁବନେଶ୍ବର
