ଖୋର୍ଦ୍ଧା: ବାଣପୁର ବ୍ଲକ ମୋରମୋରୀ ପଞ୍ଚାୟତର ମୋରମୋରି ଗ୍ରାମରେ ଜଣେ ଯୁବକଙ୍କ ପାଣିରେ ବୁଡି ପ୍ରାଣ ହରାଇଥିବା ଜଣା ପଡିଛି । ମୃତ ଯୁବକ ଜଣଙ୍କ 27 ବର୍ଷୀୟ ବିଭୁ ବରାଳ ବୋଲି ଜଣା ପଡିଛି । ଯୁବକ ଜଣଙ୍କ ଗାଧୋଇବା ପାଇଁ ଯାଇଥିବା ବେଳେ ଏପରି ଅଘଟଣ ଘଟିଥିବା ଜଣା ପଡିଛି ।
ପ୍ରତ୍ୟକ୍ଷଦର୍ଶୀଙ୍କ କହିବାନୁଯାୟୀ ସବୁଦିନ ପରି ଆଜି ମଧ୍ୟ ବିଭୁ ପୋଖରୀକୁ ଗାଧେଇବା ପାଇଁ ଯାଉଥିଲା । କିନ୍ତୁ କୌଣସି କାରଣ ବଶତଃ ଗୋଡ଼ ଖସି ଯିବାରୁ ସେ ପୋଖରୀ ଭିତରେ ବୁଡି ଯାଇଥିଲେ। ସେଠାରେ ଥିବା ଅନ୍ୟ ଲୋକମାନେ ପୋଖରୀ ଭିତରୁ କଢ଼ିବାପାଇଁ ସାହସ ନ କରି ତୁରନ୍ତ ଘରେ ଖବର ଦେଇଥିଲେ। ସଙ୍ଗେ ସାଙ୍ଗେ ପରିବାର ଲୋକ ପହଞ୍ଚି ବିଭୁଙ୍କ ଉଦ୍ଧାର କରିଥିଲେ । ପରେ ତାଙ୍କୁ 108 ଆମ୍ବୁଲାନ୍ସ ଯୋଗେ ଟାଙ୍ଗୀ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ନିଆଯାଇଥିଲା । କିନ୍ତୁ ସେଠାରେ ଡାକ୍ତର ମୃତ୍ୟୁ ଘୋଷଣା କରିଥିଲେ। ମୃତ ଖବର ପାଇ ମୋରମୋରି ଗ୍ରାମରେ ଏକ ପ୍ରକାର ସୋକାକୁଳ ପରିବେଶ ଦେଖିବାକୁ ମିଳିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଈଟିଭି ଭାରତ
