ଖୋର୍ଦ୍ଧା: ସ୍ଥାନୀୟ ସ୍ବପ୍ନେଶ୍ବର ସାହିରେ ଚଢାଉ। ଲକ୍ଷାଧିକ ଟଙ୍କା ସହ 18.04 ଗ୍ରାମ ବ୍ରାଉନସୁଗାର ଜବତ ହେବା ସହ ଏ ଘଟଣାରେ ଜଣେ ଗିରଫ ହୋଇଛି। ଗିରଫ ହୋଇଥିବା ବ୍ୟକ୍ତି ମହେନ୍ଦ୍ର ବେହେରା ଓରଫ କଇନ ବୋଲି ଜଣାପଡିଛି।
ଖୋର୍ଦ୍ଧା ପାଲଟିଛି ନିଶା ବେପାରୀଙ୍କ ଆଡ୍ଡାସ୍ଥଳୀ। ସେଥିପାଇଁ ଜିଲ୍ଲା ଅବକାରୀ ବିଭାଗ ଏବଂ ପୋଲିସ ପକ୍ଷରୁ ଘନ ଘନ ଚଢାଉ କରାଯାଇଛି। ବିଭିନ୍ନ ସ୍ଥାନରେ ବିଭିନ୍ନ ସମୟରେ ଚଢାଉ ହେଉଥିବାବେଳେ ଶୁକ୍ରବାର ଖୋର୍ଦ୍ଧା ଆଦର୍ଶ ଥାନା ପୋଲିସ କୌଣସି ସୂତ୍ରରୁ ଖବର ପାଇ ସ୍ବପ୍ନେଶ୍ବର ସାହିରେ ଚଢାଉ କରିଥିଲା।
ସେଠାରୁ ଗିରଫ ହୋଇଥିବା ମହେନ୍ଦ୍ର ବେହେରାଙ୍କ ନିକଟରୁ 18.04ଗ୍ରାମ ବ୍ରାଉନସୁଗାର ଏବଂ ନଗଦ 9ଲକ୍ଷ 21 ହଜାର 800 ଟଙ୍କା ଜବତ କରିଛି ପୋଲିସ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
