ଚିଲିକାରେ ମାତିଛନ୍ତି ପକ୍ଷୀ ଶିକାରୀ: 64 ମୃତ ବିଦେଶୀ ପକ୍ଷୀ ଜବତ, 5 ଗିରଫ

ଟାଙ୍ଗି ବନ୍ୟପ୍ରାଣୀ ବିଭାଗ ପକ୍ଷରୁ ଅତର୍କିତ ଚଢାଉ । ଚିଲିକାର ବିଭିନ୍ନ ଅଞ୍ଚଳରୁ 64ଟି ମୃତ ବିଦେଶୀ ପକ୍ଷୀ ଜବତ ସହ 5 ଶିକାରୀ ଗିରଫ ।

ଖୋର୍ଦ୍ଧା: ଶୀତ ଆସିଲେ ହଜାର ହଜାର ମାଇଲ ଅତିକ୍ରମ କରି ଚିଲିକାକୁ ଉଡି ଆସିଥାନ୍ତି ବିଦେଶରୁ ପକ୍ଷୀ । ଏଠାକୁ ଆସୁଥିବା ବିଦେଶାଗତ ପକ୍ଷୀଙ୍କ ସୁରକ୍ଷା ପାଇଁ ବିଭିନ୍ନ ସ୍ଥାନରେ କର୍ମଚାରୀ ନିୟୋଜିତ କରିଛି ଟାଙ୍ଗୀ ବନ୍ୟପ୍ରାଣୀ ବିଭାଗ । ହେଲେ ଦିନକୁ ଦିନ ଚିଲିକାରେ ବଢୁଛି ପକ୍ଷୀ ଶିକାର ।

64ମୃତ ବିଦେଶୀ ପକ୍ଷୀ ଜବତ

ଟାଙ୍ଗି ବନ୍ୟପ୍ରାଣୀ ବିଭାଗ ପକ୍ଷରୁ ଶନିବାର ଅତର୍କିତ ଚଢାଉ କରାଯାଇ ଚିଲିକାର ବିଭିନ୍ନ ଅଞ୍ଚଳରୁ 5ଶିକାରୀଙ୍କୁ ଗିରଫ କରାଯାଇଛି। ସେମାନଙ୍କ ଠାରୁ 64ଟି ମୃତ ବିଦେଶୀ ପକ୍ଷୀ ଜବତ କରାଯାଇଥିବା ସୂଚନା ଦେଇଛନ୍ତି ଟାଙ୍ଗି ରେଞ୍ଜ ବନ୍ୟପ୍ରାଣୀ ଅଧିକାରୀ ।

ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ