ଖୋର୍ଦ୍ଧା: କ୍ରସର ୟୁନିଟ ଉପରେ ଏସଟିଏଫର ଚଢ଼ାଉ ପରେ ଖୋର୍ଦ୍ଧା ଆଞ୍ଚଳିକ କ୍ରସର ମାଲିକ ସଙ୍ଘ ପକ୍ଷରୁ ଆଜି ଏକ ସାମ୍ବାଦିକ ସମ୍ମିଳନୀ କରାଯାଇଛି । ଉକ୍ତ ସାମ୍ବାଦିକ ସମ୍ମିଳନୀରେ ସଙ୍ଘ କାର୍ଯ୍ୟକାରୀ ସଭାପତି ପ୍ରକାଶ ସାମନ୍ତରାୟ ଏସଟିଏଫର ଚଢ଼ାଉକୁ ସ୍ବାଗତ କରିଥିବା ବେଳେ ପ୍ରକୃତ ଦୋଷୀ ଉପରେ ଏସଟିଏଫ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି ।
ସେହିପରି ନିଲାମ ଖଣି ଖଦାନ ଗୁଡିକୁ ଶ୍ରୀମନ୍ଦିର ପ୍ରଶାସନ କାର୍ଯ୍ୟାଦେଶ ପ୍ରଦାନ କରିବାରେ ବିଳମ୍ବ କରିବାରୁ କ୍ରସର ଶିଳ୍ପ ଉପରେ ନିର୍ଭର କରୁଥିବା 4ଶହ କ୍ରସର ମାଲିକ ଏବଂ ଏଥିରେ କାମ କରୁଥିବା ପ୍ରାୟ 40ହଜାର ଶ୍ରମିକ ହାତବାନ୍ଧି ବସିଛନ୍ତି । ତେଣୁ ଖୋର୍ଦ୍ଧା ଏବଂ ଏହାର ଆଖପାଖ ଅଞ୍ଚଳରେ ଥିବା ପାଖାପାଖି 4ଶହ କ୍ରସର ୟୁନିଟକୁ ବନ୍ଦ କରାଯିବ ବୋଲି ସଙ୍ଘ ପକ୍ଷରୁ ସୂଚନା ଦିଆଯାଇଛି ।
ଆଜିର ଏହି ସାମ୍ବାଦିକ ସମ୍ମିଳନୀରେ ଖୋର୍ଦ୍ଧା ବିଧାୟକ ଜ୍ୟୋତିନ୍ଦ୍ର ନାଥ ମିତ୍ର , କ୍ରସର ସଂଘର କର୍ମକର୍ତ୍ତା ଓ କ୍ରସର ମାଲିକମାନେ ଉପସ୍ଥିତ ଥିଲେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଈଟିଭି ଭାରତ
