ଖୋର୍ଦ୍ଧା: ହାତୀ ଆକ୍ରମଣରେ ୪ଜଣ ଆହତ ହୋଇଥିବା ବେଳେ ଦୁଇ ଜଣ ଗୁରୁତର ହୋଇଛନ୍ତି । ଖୋର୍ଦ୍ଧା ବନାଞ୍ଚଳ ଅଧିନ ମଳିପଡା କାଜୁଜଙ୍ଗଲରେ କାଜୁ ତୋଳୁଥିବା ବେଳେ ଦନ୍ତାହାତୀ ଆକ୍ରମଣର ଶିକାର ହୋଇଥିଲେ 4 ଗ୍ରାମବାସୀ । ସମସ୍ତ ଆହତ ଖୋର୍ଦ୍ଧା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି । ଆହତଙ୍କ ମଧ୍ୟରେ ଦୁଇ ଜଣଙ୍କ ଅବସ୍ଥା ଗୁରୁତର ରହିଥିବା ଜଣାପଡିଛି ।
ଖୋର୍ଦ୍ଧା ହାତୀ ଆକ୍ରମଣ
ଆହତମାନେ ହେଲେ କରୁଣାକର ସାହୁ, ସତ୍ୟ ନାରାୟଣ ସାହୁ, ବାବୁଲି ମହାରଣା ଓ ଜଗବନ୍ଧୁ ସାହୁ । ବନ ବିଭାଗ କର୍ମଚାରୀ ମେଡିକାଲରେ ପହଞ୍ଚି ଆହତ ମାନଙ୍କ ଚିକିତ୍ସା ତଦାରଖ କରୁଛନ୍ତି । ଅନ୍ୟପକ୍ଷରେ ହାତୀ ଏଵେ ବି କାଜୁଜଙ୍ଗଲରେ ଥିବାରୁ ନିକଟସ୍ଥ ଗ୍ରାମବାସୀ ଭୟଭିତ ଅବସ୍ଥାରେ ଅଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଈଟିଭି ଭାରତ
