ନିଆଳୀ: ଦୋଳ ପୂର୍ଣ୍ଣିମାରେ ଅଘଟଣ । ଦୋଳ ମେଳଣ ସମୟରେ ବାଣ ଫୁଟି ଯୁବକ ପ୍ରାଣ ହରାଇଥିବା ଅଭିଯୋଗ ହୋଇଛି । ଖୋର୍ଦ୍ଧା ଜିଲ୍ଲା ବାଲିପାଟଣା ବ୍ଲକ ନରିଶୋ ଅଞ୍ଚଳରେ ଏହି ଦୁଃଖଦ ଘଟଣା ଘଟିଛି । ମୃତକ ହେଉଛନ୍ତି ନରିଶୋ ଶାସନ ଗାଁର ୨୮ ବର୍ଷୀୟ ସ୍ମୃତି ରଞ୍ଜନ ଷଡ଼ଙ୍ଗୀ । ସେ ଦୋଳ ମେଳଣ ଦେଖୁଥିବା ସମୟରେ ଏକ ବାଣ ବାଜିବାରୁ ତାଙ୍କର ମୃତ୍ୟୁ ଘଟିଛି ।
ଦୋଳ ପୂର୍ଣ୍ଣିମାରେ ଅଘଟଣ, ବାଣ ଫୁଟି ଯୁବକଙ୍କ ମୃତ୍ୟୁ !
ସୂଚନା ଅନୁଯାୟୀ, ନରିଶୋ ଅଞ୍ଚଳବାସୀ ନରିଶୋ ଦୋଳ ଦେବୀ ପୋଖରୀରେ ଗତକାଲି(ଶୁକ୍ରବାର) ବାଣ ଫୁଟାଇ ଦୋଳ ଉତ୍ସବକୁ ଧୁମଧାମରେ ପାଳନ କରୁଥିଲେ । ଏହି ସମୟରେ ଏକ ବାଣ ସେଠାରେ ଛିଡା ହୋଇଥିବା ସ୍ମୃତି ରଞ୍ଜନଙ୍କ ଦେହରେ ବାଜିଥିଲା । ତାଙ୍କୁ କଟକ ବଡ ମେଡିକାଲ ନିଆଯାଇଥିବା ବେଳେ ସେଠାରେ ତାଙ୍କର ମୃତ୍ୟୁ ଘଟିଛି । ତେବେ ଏହି ଘଟଣାରେ ଅଞ୍ଚଳବାସୀ କାହାରିକୁ ଦାୟୀ କରିନାହାନ୍ତି କିମ୍ବା ପୋଲିସରେ ମଧ୍ୟ ଅଭିଯୋଗ କରିନଥିବା ସୂଚନା ମିଳିଛି ।
ନିଆଳୀରୁ ଉମେଶ ମଲ୍ଲିକ, ଇଟିଭି ଭାରତ
