ଖୋର୍ଦ୍ଧା: ଜିଲ୍ଲାର ସାମନ୍ତରାପୁର ଅଞ୍ଚଳରେ ବିପୁଳ ବ୍ରାଉନସୁଗାର ଜବତ । ଖୋର୍ଦ୍ଧା ଆଦର୍ଶ ଥାନା ପୋଲିସ ବେଧଡ଼କ ଭାବେ ବ୍ରାଉନସୁଗାର ବେପାର ଜମାଇଥିବା ଦୁଇ ଜଣ ବେପାରୀଙ୍କୁ ବୁଧବାର ଗିରଫ କରିଛି । ଗିରଫ ଦ୍ବୟ ହେଲେ ଉକ୍ତ ଅଞ୍ଚଳର ସ୍ବପନେଶ୍ବର ସାହିର ସୁଶାନ୍ତ ମାଝି ଏବଂ ସାରଥୀ ନାୟକ । ସେମାନଙ୍କ ନିକଟରୁ ପୋଲିସ 264 ଗ୍ରାମର ବ୍ରାଉନସୁଗାର ଜବତ କରିଛି । ଯାହାର ଆନୁମାନିକ ମୂଲ୍ୟ 2 ଲକ୍ଷ 64 ହଜାର ଟଙ୍କାର ଊର୍ଦ୍ଧ୍ବ ହେବ ବୋଲି ଆକଳନ କରାଯାଉଛି । ଏଥିସହ ଗୋଟିଏ କେଟିଏମ ବାଇକ ଓଜନ ମେସିନ, ନଗଦ 41 ହଜାର ଟଙ୍କା ଓ କିଛି ନାଲି ଜରି ଜବତ କରିଛି ପୋଲିସ ।
ପୋଲିସ ସୂଚନା ମୁତାବକ, ଗିରଫ ଦ୍ବୟ ଅଭିଯୁକ୍ତ ସେହି ଅଞ୍ଚଳରେ କିଛି ଦିନ ହେବ ବେପାର ଜମାଇଥିଲେ । ଏପରିକି ବାଲେଶ୍ବର ଅଞ୍ଚଳରୁ ବ୍ରାଉନସୁଗାର ଆଣି ଏଠାରେ ପ୍ୟାକିଙ୍ଗ କରି ଖୋର୍ଦ୍ଧା ସହର ସମେତ ଏହାର ଆଖପାଖ ଅଞ୍ଚଳରେ ବ୍ୟବସାୟ କରି ମୋଟା ଅଙ୍କର ଟଙ୍କା କମାଉଥିଲେ । ତେବେ ଆଜି ବିଶ୍ବସ୍ତ ସୂତ୍ରରୁ ଖବର ପାଇ ପୋଲିସ ଗ୍ରାହକ ସାଜି ଅଭିଯୁକ୍ତ ବ୍ୟବସାୟୀଙ୍କୁ ଗିରଫ କରିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
