ଖୋର୍ଦ୍ଧା: କରୋନା ସଂକ୍ରମଣ ପାଇଁ ଆସନ୍ତା 5 ତାରିଖରୁ ରାଜ୍ୟରେ ଲକଡାଉନ ଆରମ୍ଭ ହେବାକୁ ଯାଉଛି । ଲକଡାଉନ ପାଇଁ ଗତ ବର୍ଷ ମଦ ବ୍ୟବସାୟୀମାନେ ମାଲାମାଲ ହୋଇଥିବା ଦେଖିବାକୁ ମିଳିଥିଲା। ଏଥର ମଧ୍ୟ ଲକଡାଉନ ଆରମ୍ଭରୁ ମଧ୍ୟ ଚୋରା ମଦ ମାଫିଆମାନେ ମଦ କାରବାର ଆରମ୍ଭ କରି ଦେଇଥିବା ଦେଖିବାକୁ ମିଳିଲାଣି । ଆଜି ଖୋର୍ଦ୍ଧାରେ 20ପେଟି ମଦ ସହ 2 ଜଣଙ୍କୁ ଗିରଫ କରିଛି ଜଟଣୀ ପୋଲିସ ।
20 ପେଟି ଦେଶୀ ମଦ ଜବତ, 2 ଗିରଫ
ମିଳିଥିବା ସୂଚନା ଅନୁସାରେ ଆଜି ଜଟଣୀ ଥାନା ଅନ୍ତର୍ଗତ ବାଲିଛକ ମୁଣ୍ଡିଆସାହିର ଦୁଇଜଣ ବ୍ୟକ୍ତି ବେଆଇନ ଭାବେ ଏକ ଅଟୋରେ 20 ପେଟି ଦେଶୀ ମଦ ନେଉଥିବା ଖବର ପାଇଥିଲା ପୋଲିସ, ମିଳିଥିବା ସୂଚନା ଆଧାରରେ ଚଢାଉ କରିଥିଲା । ମଦ ଜବତ ସହ 2 ଜଣଙ୍କୁ ଗିରଫ କରିଛି ପୋଲିସ । ଗିରଫ ବ୍ୟକ୍ତି ଦୁଇ ଅଭିଯୁକ୍ତ ଅରୁଣ ଦାସ ଏବଂ ପ୍ରହଲ୍ଲାଦ ଦାସ ବୋଲି ଜଟଣୀ ପୋଲିସ ସୂଚନା ଦେଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
