ଖୋର୍ଦ୍ଧା: ବୋଲଗଡ଼ ଥାନା ଖୋର୍ଦ୍ଧା-ବଲାଙ୍ଗୀର ୫୭ ଜାତୀୟ ରାଜପଥ ମୁଖ୍ୟ ରାସ୍ତା କପାସିଆ ନିକଟରେ ଅଘଟଣ । ଶୌଚ ପାଇଁ ଯାଇଥିବା ସମୟରେ ଅଜଣା ଗାଡି ଧକ୍କାରେ ୨ ମହିଳା ମୃତ ।
ଶୌଚ ପାଇଁ ଯିବା ସମୟରେ ଦୁର୍ଘଟଣା, ୨ ମହିଳା ମୃତ
ମୃତକ ୨ ମହିଳା ହେଲେ କପାସିଆ ଗ୍ରାମର ସାବିତ୍ରୀ ମହାପାତ୍ର ଓ ଆଛେଇ ପ୍ରଧାନ । ସୂଚନା ଅନୁଯାୟୀ, ଆଜି(ରବିବାର) ଭୋରରେ ୨ ମହିଳା ଗାଁ ନିକଟରୁ କିଛି ଦୂରକୁ ଶୌଚ ପାଇଁ ଯାଇଥିବା ସମୟରେ ଏକ ଅଜଣା ଗାଡି ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ହିଁ ଉଭୟଙ୍କ ମୃତ୍ୟୁ ଘଟିଛି । ଘଟଣାକୁ ନେଇ ସ୍ଥାନୀୟ ଉତ୍ତ୍ୟକ୍ତ ଲୋକେ ଖୋର୍ଦ୍ଧା-ବଲାଙ୍ଗୀର କପାଶିଆ ରାସ୍ତା ଅବରୋଧ କରିଛନ୍ତି ।
ଫଳରେ ଯାନବାହାନ ଚଳାଚଳ ବାଧାପ୍ରାପ୍ତ ହୋଇଛି । ଘଟଣାସ୍ଥଳରେ ବୋଲଗଡ଼ ପୋଲିସ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
