ଜାଗରରେ ଅଘଟଣ, ଦୀପରୁ ନିଆଁ ଲାଗି ମହିଳା ଆହତ

ଜାଗରରେ ଦୀପ ଜାଳିବା ସମୟରେ ଅଘଟଣ । ଶାଢୀରେ ନିଆଁ ଲାଗି ମହିଳା ଆହତ । କେନ୍ଦୁଝର ଜିଲ୍ଲାରେ ଘଟିଛି ଏହି ଅଘଟଣ ।

ଆନନ୍ଦପୁର: ପବିତ୍ର ମହାଶିବରାତ୍ରୀରେ ଅଘଟଣ । ଦୀପରୁ ଶାଢୀରେ ନିଆଁ ଲାଗି ମହିଳା ଆହତ ହୋଇଛନ୍ତି । କେନ୍ଦୁଝରର କୁଶଳେଶ୍ବର ମନ୍ଦିରରେ ଘଟିଛି ଏହି ଅଘଟଣ । ଆହତ ମହିଳା ହେଲେ ଦେଓଗାଁର କମଳିନୀ ବାରିକ ।

ତାଙ୍କୁ ପରିବାର ଲୋକେ ସଙ୍ଗେ ସଙ୍ଗେ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରିଛନ୍ତି । ସୂଚନା ଅନୁସାରେ, ମହିଳା ଜଣଙ୍କ ମନ୍ଦିରରେ ଦୀପ ଲଗାଇ ମୁଣ୍ଡିଆ ମାରୁଥିବା ବେଳେ ହଠାତ୍ ଶାଢୀରେ ନିଆଁ ଲାଗିଥିଲା । ଫଳରେ ଘଟିଛି ଅଘଟଣ ।

ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ