କେନ୍ଦୁଝର: କାଜୁ ଜଙ୍ଗଲରୁ ଝୁଲନ୍ତା ଅବସ୍ଥାରେ ବିବାହିତା ମହିଳାଙ୍କ ମୃତଦେହ ଉଦ୍ଧାର । ଏହି ଘଟଣା ଘଟିଛି କେନ୍ଦୁଝର ଜିଲ୍ଲା ହରିଚନ୍ଦନପୁର ଥାନା ଅନ୍ତର୍ଗତ ଝାଡପୋଖରୀ ଗ୍ରାମ ନିକଟସ୍ଥ ଦଣ୍ଡାହୁଡି ଗ୍ରାମରେ । ମୃତଦେହକୁ ପୋଲିସ ଉଦ୍ଧାର କରି ବ୍ୟବଚ୍ଛେଦ ପାଇଁ କେନ୍ଦୁଝର ମୁଖ୍ୟ ଚିକିତ୍ସାଳୟକୁ ପଠାଇଛନ୍ତି ।
ସୂଚନାନୁଯାୟୀ ମୃତକ ମହିଳା ଜଣଙ୍କ ଝାଡପୋଖରୀ ଗ୍ରାମର ପିତ ବେହେରାଙ୍କ ବିବାହିତା ସାନ ଝିଅ ମଙ୍ଗୁଳୀ ବେହେରା(୨୩) ବୋଲି ଜଣାପଡ଼ିଛି । ମଙ୍ଗୁଳୀ ଆଜକୁ ୫ବର୍ଷ ପୂର୍ବେ ଢେଙ୍କିକୋଟ ନିକଟସ୍ଥ କଟରାବେଡା ଗ୍ରାମ ଦହିବାହାଳି ସାହିର √ ରମେଶ ଚନ୍ଦ୍ର ବେହେରାଙ୍କ ପୁଅ ସୁରେନ୍ଦ୍ର ବେହେରାଙ୍କ ସହ ପ୍ରେମ ବିବାହ କରିଥିଲେ ।
ବିବାହର କିଛି ଦିନ ପରେ ଦୁହିଁଙ୍କ ମଧ୍ୟରେ କୌଣସି କାରଣରୁ ଫାଟ ସୃଷ୍ଟି ହୋଇଥିଲା । ଫଳରେ ମଙ୍ଗୁଳୀ ଶ୍ବଶୂର ଘର ଓ ସ୍ବାମୀଙ୍କୁ ଛାଡି ବାପଘରେ ରହୁଥିଲେ । ବିଳମ୍ବିତ ରାତିରୁ ସେ ନିଖୋଜ ଥିବାବେଳେ ଗ୍ରାମବାସୀମାନେ କାଜୁ ଗଛ ଡାଳରେ ପିନ୍ଧା ସାଢୀରେ ଝୁଲନ୍ତା ଅବସ୍ଥାରେ ମୃତଦେହ ଦେଖି ପରିବାର ଲୋକଙ୍କୁ ଜଣାଇଥିଲେ ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
