ଆନନ୍ଦପୁର: କୋରୋନା ମହାମାରୀ ଏବେ ସାରା ବିଶ୍ବକୁ ଆତଙ୍କିତ କରିଦେଇଛି । ସାରା ଦେଶ ଏବେ ଲକ୍ଡାଉନ । ଏହି ସମୟରେ ଘରୁ ପଦାକୁ ନବାହାରିବା ସହିତ ସ୍ବଚ୍ଛତା ଓ ପରିଚ୍ଛନ୍ନତା ପ୍ରତି ଅଧିକ ଗୁରୁତ୍ବ ଦିଆଯାଉଛି । ସରକାରଙ୍କ ତରଫରୁ ବିଭିନ୍ନ ସତର୍କତା ମୂଳକ ଭିଡିଓ ମଧ୍ୟ ସାମନାକୁ ଆସୁଛି । ଏତିକି ବେଳେ କେନ୍ଦୁଝର ଘସିପୁରା ବ୍ଲକ ବସନ୍ତପୁରା ଗ୍ରାମର କିଛି ଗ୍ରାମବାସୀ ଘରକୁ ଘର ବୁଲି ଏ ବିଷୟରେ ଲୋକମାନଙ୍କୁ ସଚେତନ କରିବା ସହିତ ସାବୁନ ବଣ୍ଟନ କରୁଥିବା ଦେଖିବାକୁ ମିଳିଛି।
ଗାଁରେ ସାବୁନ ବାଣ୍ଟି ସଚେତନ କଲେ ଗ୍ରାମବାସୀ
ଏହାସହ ଆବଶ୍ୟକ ନପଡ଼ିଲେ ଅଯଥା ବାହାରକୁ ଯାଆନ୍ତୁ ନାହିଁ ବୋଲି ସଚେତନ କରାଉଛନ୍ତି । ଲୋକମାନଙ୍କୁ ସାବୁନ ଦେଇ ବାହାରୁ ଆସିଲେ ସାବୁନରେ ୨୦ ସେକେଣ୍ଡ ପର୍ଯ୍ୟନ୍ତ ହାତକୁ ଭଲଭାବରେ ଧୋଇବା ପାଇଁ ପରାମର୍ଶ ଦେଉଛନ୍ତି।
ଆନନ୍ଦପୁରରୁ ସ୍ମୃତିରଞ୍ଜନ ବିହାରୀ, ଇଟିଭି ଭାରତ
