କେନ୍ଦୁଝର: ସଦର ରେଞ୍ଜ ଅନ୍ତର୍ଗତ ବେଳଦା ବିଟ ଜଙ୍ଗଲରେ ଘଟିଛି ଅଘଟଣ । ଉକ୍ତ ବିଟ ଅନ୍ତର୍ଗତ ପୋଟଳ, ମହାଦେଇପୁର, କେନ୍ଦୁଆ ଗ୍ରାମର ଗ୍ରାମ୍ୟ ଜଙ୍ଗଲରେ ନିଆଁ ଲାଗିଯାଇଛି । ଖବର ଅନୁସାରେ ଉକ୍ତ ଜଙ୍ଗଲ ମଧ୍ୟ ଦେଇ ଯାଇଥିବା ୧୧ କେଭି ତାର କୌଣସି କାରଣରୁ ଛିଡି ଯାଇଥିଲା । ତାର ଛିଣ୍ଡିଯିବା ଫଳରେ ତଳେ ପଡିଥିବା ଶୁଖିଲା ପତ୍ରରେ ନିଆଁ ଲାଗି ଯାଇଥିଲା ।
ଇଲେକ୍ଟ୍ରିକ ତାର ଛିଡି ଜଙ୍ଗଲରେ ଲାଗିଲା ନିଆଁ
ଫଳରେ ଜଙ୍ଗଲରେ ପଡିଥିବା ଶୁଖିଲା ପତ୍ରର ନିଆଁ ଚାରି ଆଡେ ଖେଳି ଯାଇଥିଲା । ଗ୍ରାମବାସୀ ଏହି ନିଆଁକୁ ଦେଖି ଜଙ୍ଗଲ ବିଭାଗକୁ ଖବର ଦେଇଥିଲେ । ଜଙ୍ଗଲ ବିଭାଗର କର୍ମଚାରୀ ପହଞ୍ଚି ଗ୍ରାମବାସୀଙ୍କ ସହଯୋଗରେ ନିଆଁକୁ ଆୟତ୍ତ କରିବାରେ ସକ୍ଷମ ହୋଇଥିବା ଜଣାପଡିଛି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
