କେନ୍ଦୁଝର: କୋରୋନା ମହାମାରୀ ବୃଦ୍ଧି ପାଇବା ପରେ ବାହାର ରାଜ୍ୟରୁ ରାଜ୍ୟକୁ ଫେରୁଛନ୍ତି ଶହଶହ ସଂଖ୍ୟାରେ କର୍ମଜୀବୀ । ସରକାର ଉକ୍ତ ବାହାର ରାଜ୍ୟରେ କାର୍ଯ୍ୟ କରୁଥିବା ଲୋକଙ୍କୁ ଆଣିବାକୁ ପ୍ରାଣପଣେ ପ୍ରୟାସ ଆରମ୍ଭ କରିଛନ୍ତି। ସେଥିପାଇଁ ସ୍ୱତନ୍ତ୍ର ବସ, ଟ୍ରେନ ର ବ୍ୟବସ୍ଥା ମଧ୍ୟ କରୁଛନ୍ତି ।
ତେବେ ବାହାର ରାଜ୍ୟରୁ ଆସିବାକୁ ଥିବା ଲୋକଙ୍କୁ ପ୍ରଥମେ ପଞ୍ଜୀକୃତ କରିବା ପାଇଁ ଜିଲ୍ଲା ପ୍ରଶାସନ ମଧ୍ୟ ବ୍ୟବସ୍ଥା ଆରମ୍ଭ କରିଛି । ହେଲେ ଏଥିପାଇଁ ଆଉ ଏକ ହେଲ୍ପଲାଇନ ନମ୍ବର ଜାରିକରିଛି କେନ୍ଦୁଝର ଜିଲ୍ଲା ପ୍ରଶାସନ । ଏନେଇ ଟ୍ୱିଟର ମାଧ୍ୟମରେ ସୂଚନା ଦିଆଯାଇଛି। ହେଲପ୍ ଲାଇନ ନମ୍ବର ଦୁଇଟି ହେଲା ୦୬୭୬୬-୨୫୫୪୯୫ ଓ ୭୬୫୭୦୬୬୦୯୯ ।
ଏହା ସହ ଓଡିଶାରୁ ବାହାର ରାଜ୍ୟକୁ ଯାଉଥିବା ଲୋକ ମଧ୍ୟ ଏହି ହେଲ୍ପଲାଇନ ନମ୍ବର ରେ ପଞ୍ଜୀକୃତ କରି ଯାଇପାରିବେ ବୋଲି ଜିଲ୍ଲା ପ୍ରଶାସନ ତରଫରୁ ଜଣାପଡିଛି।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
