କେନ୍ଦୁଝର: ବୁଧବାର ପ୍ରକାଶ ପାଇଛି ଉତ୍ତର ଓଡିଶା ବିଶ୍ୱବିଦ୍ୟାଳୟର ତୃତୀୟ ବର୍ଷ ପରୀକ୍ଷା ଫଳ । ସରକାରୀ ମହିଳାବିଦ୍ୟାଳୟର ପରୀକ୍ଷା ଫଳରେ ତ୍ରୃଟି ହୋଇଥିବା ଅଭିଯୋଗ କରିଛନ୍ତି କଲେଜର ଛାତ୍ରୀ । ଛାତ୍ରୀଙ୍କ ଅଭିଯୋଗ ଅନୁଯାୟୀ, ବର୍ତ୍ତମାନ ସୁଦ୍ଧା ଇଣ୍ଟରନାଲ ପରୀକ୍ଷା ଫଳ ବାହାରି ନଥିବା ବେଳେ ଅଧିକାଂଶ ଛାତ୍ରୀଙ୍କୁ ଫେଲ କରି ଦିଆଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ବିଶେଷ କରି ବିଜ୍ଞାନ ପରୀକ୍ଷା ଫଳରେ ତ୍ରୁଟି ହୋଇଥିବା ଅଭିଯୋଗ ହୋଇଛି । ଏଥିସହ ସଂସ୍କୃତ, ସୋସିଓଲୋଜି, ଗଣିତ ଆଦି ପରୀକ୍ଷାରେ ଏହା ମଧ୍ୟ ତ୍ରୁଟି ହୋଇଛି । ଏହି ତ୍ରୁଟି ଯୋଗୁଁ ଶହ ଶହ ଛାତ୍ରୀଙ୍କ ଭବିଷ୍ୟତ ଅନ୍ଧାରରେ ଚାଲିଯାଇଛି । ଏନେଇ ଛାତ୍ରୀମାନେ କଲେଜ କର୍ତ୍ତୃପକ୍ଷଙ୍କୁ ଜଣାଇଥିଲେ ସୁଦ୍ଧା କୌଣସି ସୁଫଳ ମିଳି ନଥିବା ଅଭିଯୋଗ ହୋଇଛି । ତେବେ ଏ ସମ୍ପର୍କରେ କଲେଜ କର୍ତ୍ତୃପକ୍ଷଙ୍କୁ ପଚରାଯିବାରୁ ସେ ବିଶ୍ବବିଦ୍ୟାଳୟକୁ ଜଣାଇଥିବା କହିଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
