କେନ୍ଦୁଝର: ଦିନକୁ ଦିନ କୋରୋନାର ପ୍ରକୋପ ବଢ଼ିବାରେ ଲାଗିଛି । ଏହାକୁ ପ୍ରତିହତ କରିବା ପାଇଁ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି । ଏହା ସାଙ୍ଗକୁ ସାମାଜିକ ଦୂରତ୍ୱ, ସ୍ୱଚ୍ଛତା ପାଇଁ ଜନ ସଚେତନତା ସୃଷ୍ଟି କରାଯାଉଛି । ସାଧାରଣ ଜନସାଧାରଣ ବଜାର ଦୋକାନ ଗୁଡିକରେ ସାମାଜିକ ଦୂରତ୍ୱ ପ୍ରତି ଗୁରୁତ୍ୱ ଦେବାପାଇଁ ପ୍ରଶାସନ ପକ୍ଷରୁ କୁହାଯାଇଛି ।
'ସାମାଜିକ ଦୂରତ୍ୱ ଭଙ୍ଗ ଓ ମାସ୍କ ନପିନ୍ଧିଲେ ନିଆଯିବ କାର୍ଯ୍ୟାନୁଷ୍ଠାନ'
ଏହା ସ୍ୱତେ ସାଧାରଣ ନାଗରିକ ଓ ଦୋକାନୀ ଏହାକୁ ଠିକ ସେ ମାନୁ ନାହାନ୍ତି । ଏହା ସାଙ୍ଗକୁ ଘରୁ ବାହାରକୁ ବାହାରିଲେ ମୁହଁ ରେ ମାସ୍କ କିମ୍ବା ରୁମାଲ ବାନ୍ଧିବାକୁ ନିବେଦନ କରାଯାଇଛି । ଦୋକାନ ଗୁଡିକରେ ସାମାଜିକ ନିୟମ ନମାନିଲେ ଦୋକାନ ବନ୍ଦ କରିବା ସହ ତାଙ୍କ ପ୍ରତି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଜିଲ୍ଲାପାଳ ଏକ ଭିଡ଼ିଓ ବାର୍ତ୍ତା ରେ ପ୍ରକାଶ କରିଛନ୍ତି ।
କେନ୍ଦୁଝରରୁ ସନ୍ତୋଷ ମହାପାତ୍ର,ଇଟିଭି ଭାରତ
